Mańǵystaý oblysyna jańa ákim taǵaıyndaldy

1806
Adyrna.kz Telegram

Memleket basshysynyń Jarlyǵymen Nurlan Asqaruly Noǵaev Mańǵystaý oblysynyń ákimi bolyp taǵaıyndalyp, Qazaqstan Respýblıkasynyń Energetıka mınıstri laýazymynan bosatyldy, dep habarlaıdy "Adyrna" ulttyq portaly Aqordanyń baspasóz qyzmetine silteme jasap.

- Nurlan Asqaruly Noǵaev Mańǵystaý oblysynyń ákimi bolyp taǵaıyndalsyn, ol Qazaqstan Respýblıkasynyń Energetıka mınıstri laýazymynan bosatylsyn, delingen qujatta.

Noǵaev Nurlan Asqaruly 1967 jyly týǵan. Bilimi joǵary, I.Gýbkın atyndaǵy Máskeý memlekettik munaı jáne gaz akademııasyn, Qazaq memlekettik basqarý akademııasyn, Reseı Syrtqy ister mınıstrligi janyndaǵy "Halyqaralyq qatynastar ýnıversıteti" Máskeý memlekettik ınstıtýtyn taý-ken ınjeneri, ekonomıst, halyqaralyq qatynastar mamany, ákimshilik iskerlik jónindegi sheber mamandyqtary boıynsha bitirip shyqqan.

Eńbek jolyn Aqtóbe oblysy, Qandyaǵash stanııasynda elektr sheberi bolyp bastaǵan.

1993-1995 j.j. - Máskeý qalasyndaǵy "Gılı-Pasker" JShS-de munaı ónimderi jónindegi aǵa sarapshy, bólim bastyǵy, bas dırektor.

1995-1996 j.j. - Almaty qalasyndaǵy "Otrar Ltd" shaǵyn kásiporny bas dırektorynyń orynbasary.

1996-2006 j.j. - "Qazaqtúrikmunaı" JShS-de ınjener, bas dırektor.

2006 jyldyń aqpan aıynan tamyz aıyna deıin - "QazMunaıGaz Ulttyq kompanııasy" AQ-nyń atqarýshy dırektory.

2006 jyldyń tamyz aıynan QR Energetıka jáne mıneraldy resýrstar mınıstrligi munaı ónerkásibi departamentiniń dırektory bolyp istegen.

2007 jyldyń qyrkúıeginen 2010 jyldyń sáýir aıyna deıin - Batys Qazaqstan oblysy ákiminiń orynbasary.

2010 jyldyń sáýir aıynan 2012 jyldyń qańtaryna deıin oblys ákiminiń birinshi orynbasary.

2012 jyldyń 20 qańtarynda Memleket Basshysynyń Jarlyǵymen Batys Qazaqstan oblysynyń ákimi bolyp taǵaıyndaldy.

2016 jyldyń 26 naýryzynan Atyraý oblysynyń ákimi boldy.

2019 jyldyń 18 jeltoqsanynan sońǵy taǵaıyndaýǵa sheıin QR Energetıka mınıstri bolyp qyzmet istedi.

"Adyrna" ulttyq portaly

Pikirler