Özbekstannyŋ memlekettık qaryzy 2021 jyldyŋ 1 şıldedegı jaǧdai boiynşa$24,2 mlrd dollardy nemese jalpy ışkı önımnıŋ (JIÖ) 38,5% -yn qūrady. Būl turaly Özbekstan Respublikasy Qarjy ministrlıgı mälımdedı, dep habarlaidy "Adyrna" ūlttyq portaly.
Qarjy ministrlıgınıŋ derekterı boiynşa, memlekettık syrtqy qaryz ötken toqsanmen salystyrǧanda şamamen $800 mln dollarǧa ösıp, 21,8 mlrd. dollardy qūrady (JIÖ -nıŋ 34,7%).
Būl rette ükımet atynan jinalǧan qaryz $15,4 mlrd. dollardy jäne Özbekstan kepıldıgı boiynşa $6,4 mlrd. dollardy qūraidy.
Qarjy ministrlıgı memlekettık ışkı qaryz $200 mln-ǧa ösıp, $2,4 mlrd-ty (JIÖ-ge 3,8%) qūraǧanyn atap öttı. Memlekettık baǧaly qaǧazdardyŋ kölemı 3,17 trln. somdy jäne memleket kepıldıgındegı ışkı qaryz - $2,1 mlrd dollardy qūrap otyr.
Özbekstannyŋ Aziia damu bankı aldyndaǧy qaryzy $5 mlrd dollar, Düniejüzılık bankke – $3,8 mlrd dollar, Qytai eksport-import bankıne - $2 mlrd dollar, Japon Halyqaralyq yntymaqtastyq agenttıgıne – $2,2 mlrd dollar, Qytai memlekettık damu bankıne jäne t.b. basqalaryna – $2,2 mlrd dollar, İslam Damu Bankı – $0,9 mlrd dollar jäne basqa da halyqaralyq qarjy instituttaryna– $2,4 mlrd dollardy qūrap otyr.
Qarjy ministrlıgınıŋ mälımetınşe, Özbekstannyŋ syrtqy qaryzdarynyŋ 70,3% - y AQŞ dollarymen, 11,7% – y japon ienımen, 9,2% - y SDR-men, 4,7% - y evromen tartylǧan.
Özbekstan eseptı kezeŋde biudjettı qoldauǧa $ 4,7 mlrd dollar böldı (jinalǧan qarajattyŋ 21,6%).
Būl rette tartylǧan qarajattyŋ 14,1% – y ($3,1 mlrd dollar) elektr energetikasyn damytuǧa, 12,5% – y ($2,7 mlrd dollar)-energetika salasyn damytuǧa, 11,6% - y ($2,5 mlrd dollar) kölık infraqūrylymyn damytuǧa jäne 9,2% - y ($2 mlrd dollar) tūrǧyn üi-kommunaldyq sektordy damytuǧa baǧyttaldy.
Aita keteiık, taǧy $1,3 mlrd. dollar bank salasyna, $1,2 mlrd. dollar – himiia salasyna, $0,7 mlrd. dollar – bılım beru salasyna, $0,2 mlrd. dollar – telekommunikasiia salasyna baǧyttaldy.
"Adyrna" ūlttyq portaly
Ūqsas jaŋalyqtar
