Shymkent qalasynyń ákimi Murat Áıtenov Bilim jáne ǵylym mınıstrligine qarasty uıym – Shymkent qalasynyń bilim salasynda sapany qamtamasyz etý departamentiniń atqaryp otyrǵan jumystarymen tanysty.Qala basshysy bilim sapasynyń joǵary bolýy eń negizgi mindet ekenin ashyp aıtty. Qalamyzdyń megapolıs retinde qalyptasýy bilim kórsetkishterimen tikeleı baılanysty ekenin aıta otyryp, osy salada qyzmet atqaratyn uıymdardyń jumys nátıjesi pedagog kadrlardyń kásibı turǵyda bilikti maman bolyp tanylýymen, oqýshylardyń bilim deńgeıiniń joǵary bolýymen ólshenedi dep atap kórsetti.
Departament basshysy Nurgúl Shamshıeva bergen málimetke sáıkes, mekeme tórt negizgi baǵyt boıynsha qyzmet atqarady: bilim berý qyzmetiniń joǵary sapasyn qamtamasyz etý maqsatynda memlekettik baqylaý sharalaryn júrgizý, pedagogtardyń jáne balalardyń quqyqtaryn qorǵaý, bilim berý qyzmetimen aınalysý úshin lıenzııa jáne lıenzııaǵa qosymsha berý, bilim berý uıymdarynan shyǵatyn resmı qujattarǵa apostıl qoıý.Departament qyzmeti bilim berý uıymdaryna ádistemelik kómek kórsetý fýnkııasymen tolyǵyp, baqylaý júrgizý mindeti 51 parametrlik kórsetkishten 31 parametrge deıin tómendegen. Júktelgen mindetter sheńberinde bıylǵy jyly qalalyq bilim basqarmasyna qatysty 22 bilim berý uıymy profılaktıkalyq baqylaýmen qamtylǵan. Olardyń nátıjesimen anyqtalǵan kemshilikterdi bilim berý uıymdarynyń jetekshilerimen kelisilgen merzimderinde joıý týraly uıǵarymdar shyǵarylǵan.
Pedagogtardyń jáne balalardyń quqyqtaryn qorǵaý mindetin iske asyrý boıynsha departament janynan bilim berý uıymdary pedagogtarynyń quqyqtaryn qorǵaý jáne pedagogtik ádep jónindegi keńesshi organ qurylǵan. Keńes músheleri qala aýdandarynda pedagogtarmen maqsatty kezdesýler ótkizip, túsindirý jumystaryn júrgizgen. Ulttyq biliktilik testileý erejelerin buzǵan pedagogtarmen jeke-dara áńgemelesýler júrgizip, bilim berý isiniń standarttary men talaptaryn túsindirgen.Balalardyń quqyqtaryn qorǵaý mindeti boıynsha arnaıy monıtorıngtik top qurylyp, jetkinshekterdiń quqyǵyn qorǵaý boıynsha qoǵamdyq baqylaý júrgizedi. Osy baǵytta departamentte senim telefony ashylyp, jaýapty maman bekitilgen. Áleýmettik jeliler kontentinde «Bala qorǵaý» aıdarymen jedel kómek berý chaty iske qosylyp, oǵan qalanyń myńnan asa turǵyndary qosylǵan. Departamenttiń atqaryp otyrǵan qyzmetimen muqııat tanysqan qala ákimi Murat Áıtenov, sapaly bilim arqyly sanaly urpaq tárbıelenetinine nazar aýdaryp, bilim sapasyn arttyrýda bilim berý uıymdarynyń arasynda sanaly básekelestikti ornyqtyrý kerektigine kóńil bóldi. Shymkent qalasynda bıyldyń ózinde jekemenshik 16 mektep iske qosylatynyn atap ótken qala basshysy, osy sanattaǵy bilim berý uıymdaryndaǵy bilim sapasy turaqty baqylaýǵa alyný kerektigin atap ótti.
Muǵalimderdiń kásibı daıyndyǵy joǵary, oqýshylary oqý ozaty bolyp tabylatyn mektepterdiń úlgisin barlyq bilim berý uıymdary zerdelep, jumystaryn osy baǵytta jetildirýge talpyndyrý kerektigine nazar aýdardy. Bilim salasyn jetildirýde departamenttiń atqaryp otyrǵan qyzmeti mańyzdy ekenin atap, Memleket basshysy jarııalaǵan «Halyq únine qulaq asatyn memleket» qaǵıdaty boıynsha departamenttiń qyzmeti jóninde BAQ ókilderi úshin turaqty brıfıngter ótkizip turýǵa shaqyrdy.N.Shamshıeva jumys tıimdiligin arttyrýda qoldaý kórsetken qala ákimine alǵysyn jetkize otyryp, mektepter men balabaqshalar salýǵa jeke ınvestıııa tartý kórsetkishteri boıynsha Shymkent respýblıkada aldyńǵy qatarǵa shyqqandyǵyn atap ótti. Pedagog kadrlardy jumysqa ornalastyrýda, mektep dırektorlaryn rotaııalaýda meılinshe jarııalylyq qamtamasyz etilip jatqandyǵyna toqtaldy. Shymkent qalasy bilim salasyna qarjy bólý kórsetkishteri boıynsha elimizde aldyńǵy orynda turǵandyǵyna nazar aýdaryp, pedagogtar men oqýshylar artylǵan úmitti aqtaıtynyna senim bildirdi.
