Şymkentte käsıpkerlıktı qoldauǧa bölıngen qarjy 3 ese artty

Bügıngı taŋda Şymkentte şaǧyn jäne orta käsıpkerlıktıŋ negızgı körsetkışterı boiynşa oŋ dinamika bar. Şaǧyn jäne orta käsıpkerlıkte jūmyspen qamtylǧandar sany 161,4 myŋ adamdy qūrap, ötken jyldyŋ säikes kezeŋıne qaraǧanda 105,4%-ǧa artty. Şaǧyn jäne orta biznestıŋ öndırgen önımınıŋ qūny 302,2 mlrd. teŋgenı qūrap, jalpy öŋırlık önımdegı ülesı 29 %-dy qūrady. Būl jönınde qala äkımıne esep beru barysynda käsıpkerlık jäne industrialdy-innovasiialyq damu basqarmasynyŋ basşysy Bereke Düisebekov baiandady. Ol memlekettık qoldaudyŋ arqasynda käsıpkerlerdıŋ sany ai saiyn artyp otyrǧanyn jetkızdı. Biyl käsıpkerlıktı qoldauǧa bölıngen qarjy ötken jylmen salystyrǧanda 3 ese artyq.Nätijesınde «Biznestıŋ jol kartasy-2025» baǧdarlamasy şeŋberınde 2 996,3 mln. teŋgege 970 jobaǧa qoldau körsetıldı.«Eŋbek» nätijelı jūmyspen qamtudy jäne jappai käsıpkerlıktı damytudyŋ 2017-2021 jyldarǧa arnalǧan» memlekettık baǧdarlamasy aiasynda 552,4 mln. teŋgege 39 joba qarjylandyrylǧan. Al, «Men käsıpker bolamyn» äielder men jastar käsıpkerlıgın damytu arnaiy ıs-şara josparyna säikes 146 mln. teŋgege 16 käsıpkerge nesie berılgen, onyŋ ışınde 136 mln. teŋgege 14 äiel käsıpkerdıŋ, 10 mln. teŋgege 2 jas käsıpkerdıŋ jobalary qoldau tapqan.«Qarapaiym zattar ekonomikasy» baǧdarlamasy aiasynda 61 käsıpkerge qoldau körsetıldı. Būl jyly olardyŋ sanyn 100-ge jetkızu josparlanǧan. Jarty jyldyqta atqarylǧan jūmystarmen tanysqan äkım negızgı indikatorlardyŋ oryndalu barysyn sūrady. Memlekettık baǧdarlamalardyŋ jüzege asuy aiasynda bos jūmys oryndarynyŋ sanyn ūlǧaitudy tapsyrdy. Jaŋa jobalar arqyly jaŋa jūmys oryndary qūrylady. Eŋ bırınşı özımızdıŋ qala tūrǧyndaryn jūmyspen qamtu kerekpız. Ol halyqtyŋ äleumettık jaǧdaiyna äser etedı. Sonymen bırge, eksport körsetkışın arttyru qajet. Şaǧyn jäne orta biznestı damytu üşın halyq arasynda tüsındırme jūmystary keŋınen jürgızılsın. Olarǧa qandai qoldau körsetılıp jatqanyn tanystyryp, baǧyt-baǧdar beru kerek. Būl tūrǧyda «Şymkent» ÄQK –men bırlese otyra «Bizneske arnalǧan ükımet» front ofistyŋ jūmysyn jandandyryŋdar, - dep tapsyrdy şahar basşysy.