Qala äkımı «Tūran» jäne «Sairam» tūrǧyn alabyndaǧy mektep qūrylysymen tanysty

Şymkent qalasynyŋ äkımı Mūrat Äitenov qaladaǧy bırqatar bılım beru nysandarynyŋ qūrylys barysyn aralap kördı. Şahar basşysy aldymen «Tūran» şaǧynaudanyndaǧy 1200 oryndyq mekteptıŋ qūrylys barysymen tanysyp, jūmys sapasyn baqylady. Odan keiın «Sairam»tūrǧyn alabyndaǧy bılım oşaǧynyŋ qūrylysyn kördı. Qūrylysqa jauapty bas merdıger - «ART-qūrylys» JŞS. Qūrylys jūmystary 2019 jyldyŋ qaraşa aiynda bastalǧan edı.Merdıger kompaniia ökılderı qūrylysty biyl tamyz aiynda aiaqtap, paidalanuǧa berudı josparlap otyr.Qala äkımı jauapty tūlǧalarǧa jūmysty sapaly oryndap, mejelı merzımdı tapsyrudy mındettedı. Şymkent qalasynyŋ «Sairam» tūrǧyn alabynda 300 oryndyq mekteptıŋ qūrylysy qarqyndy jürgızılude. Äleumettık nysannyŋ qūrylysy ötken jyly nauryz aiynda bastalǧan. Jauapty merdıger mekeme - “Jaŋa Arna 2002” JŞS. Jobanyŋ smetalyq qūny - 1 020 553,0 myŋ teŋge.Qūrylysty jaŋa oqu jylynyŋ bastaluyna deiın aiaqtau josparlanǧan.Sonymen qatar, qala äkımı tūrǧyn alaptaǧy 120 oryndyq qosymşa oqu korpusy qūrylysynyŋ barysyn da aralady .Nysan qūrylysy “A.R.T.-Qūrylys” JŞS tarapynan jürgızılude. Merdıger mekeme qūrylysty biyl tamyz aiynda aiaqtaudy josparlap otyr.