Şymkent qalasyndaǧy himiia – biologiia baǧytyndaǧy Nazarbaev ziiatkerlık mektebınıŋ 10-synyp oquşysy geografiia pänınen ötken halyqaralyq olimpiadada kümıs medal jeŋıp aldy. Olimpiada Türkiianyŋ Ystanbūl qalasynda 10-16 tamyz aralyǧynda onlain formatta öttı. Ziiatkerlık jarysqa älemnıŋ 46 elınen 200 oquşy qatysqan bolatyn.
Olipiadadan oza şapqan şäkırtke de ūstaz ben ata-anaǧa da alǧys zor.Bügın sala basşysy Janat Tajieva men Nazarbaev ziiatkerlık mektebınıŋ basşylyǧy geografiia pänınen ötken halyqaralyq olimpiadada kümıs medal jeŋıp alǧan ErkebūlanTazabekke qūrmet gramotasyn tabystady. Olimpiadaǧa Aqtöbe, Şymkent jäne Qyzylorda qalasynan tört oquşy - respublikalyq pändık olimpiadanyŋ jeŋımpazdary qatysqan bolatyn. Kıl myqtylardyŋ arasynan suyrylyp şyqqan şymkenttık şäkırt qalanyŋ abyroiyn asqaqtatty.
Erkebūlan Tazabek olimpiada jeŋımpazy: Mūndai olipiadalar men bılım jarystary bızderdı şyŋdai tüsedı...
Ūlttyq qūramany jarysqa täjıribelı pedagogter men jattyqtyruşylar daiyndady. Ziiatkerlık saiystyŋ tapsyrmalaryn joǧary deŋgeide oryndaǧan qazaqstandyq tört qatysuşynyŋ üşeuı jüldeger atandy. Olimpiada üş satyda ūiymdastyryldy. Jazbaşa test, multimediialyq test jäne dalalyq tur, onyŋ formaty geografiialyq jaǧynan köptegen ūlttyq olimpiadalarǧa ūqsas deidı mamandar. Biyl oquşylar öz rekordtaryn jaŋartty.
Rauşan Djerenova Daryn ortalyǧynyŋ direktory
Aita keteiık, bügınde elımızde daryndy balalarmen jūmys jürgızu jüielı jolǧa qoiylǧan. El prezidentı Q.Toqaev halyqaralyq olimpiada jeŋımpazdaryn qoldau boiynşa keşendı şaralar qabyldaudy tapsyrǧan bolatyn. Sonyŋ aiasynda būl baǧyttaǧy jūmystar üşınşı megapoliste de öz nätijesın berude.
M.Rysbaeva
