Búgin Aqparattyq-kommýnıkaııalyq ortalyǵynda ótken baspasóz májilisinde Shymkent qalalyq Sáýlet, qala qurylysy jáne jer qatynastary basqarmasynyń basshysy Nurlan Arhabaev basqarma tarapynan jyl basynan beri atqarylǵan jumystar týraly aıtty. Onyń málimetinshe, «ıfrlyq Qazaqstan» memlekettik baǵdarlamasyn júzege asyrý aıasynda, Shymkent qalasynyń ákimdigi tarapynan geoaqparattyq portaldy quryp iske asyrý jumystary aǵymdaǵy jyldyń sońyna deıin júzege asady.
Basqarma basshysynyń sózinshe, qalanyń damýy bas josparǵa sáıkes, soltústik baǵytta júrgizilýde. Atap aıtqanda, Ákimshilik iskerlik ortalyǵy aýmaǵy 282 gektar, ákimshilik, kópsalaly mádenı, oqý-aǵartý jáne basqa da halyqqa qyzmet kórsetý ǵımarattary, kópqabatty turǵyn qurylys nysandary salynyp, ıgerilýi tolyq aıaqtalýda. Al «ıfrlyq Qazaqstan» memlekettik baǵdarlamasyn júzege asyrý aıasynda qala ákimdigi tarapynan geoaqparattyq portaldy quryp iske asyrý jumystary osy jyldyń aıaǵyna deıin josparlandy, – dedi basqarma basshysy.
Nurlan Arhabaev - Shymkent qalalyq Sáýlet, qala qurylysy jáne jer qatynastary basqarmasynyń basshysy
Aldaǵy ýaqytta, geo portal ótinish berýshige úıden nemese keńseden shyqpaı-aq qyzmet alýǵa, sondaı-aq memlekettik organdar men qalanyń kommýnaldyq uıymdary arasynda qujattardy kelisý proesterin tolyq avtomattandyrýǵa múmkindik beredi. Júıe qyzmet kórsetýdiń barlyq tizbegin elektrondyq nysanǵa kóshirýge, olardy kórsetýdiń naqty merzimin 3-6 kúnge deıin qysqartýǵa, qyzmet berýshi men qyzmet alýshynyń tikeleı baılanysyn boldyrmaýǵa, Halyqqa qyzmet kórsetýdiń qoljetimdiligi men ashyqtyǵyn qamtamasyz etýge, sondaı-aq ákimdik qyzmetiniń tıimdiligin arttyrýǵa múmkindik berdi.
Nurlan Arhabaev - Shymkent qalalyq Sáýlet, qala qurylysy jáne jer qatynastary basqarmasynyń basshysy
Aıta keteıik, basqarma tarapynan 17 memlekettik qyzmet túri kórsetiledi. Jyl basynan beri jalpy sany 25 006 memlekettik qyzmet kórsetilgen. Sonymen qatar, 5 nysannyń qurylysy úshin qarastyrylǵan jer telimi memleket muqtajyna qaıtarylǵan.
Perızat Ortaı
