Bügın Aqparattyq-kommunikasiialyq ortalyǧynda ötken baspasöz mäjılısınde Şymkent qalalyq Säulet, qala qūrylysy jäne jer qatynastary basqarmasynyŋ basşysy Nūrlan Arhabaev basqarma tarapynan jyl basynan berı atqarylǧan jūmystar turaly aitty. Onyŋ mälımetınşe, «Sifrlyq Qazaqstan» memlekettık baǧdarlamasyn jüzege asyru aiasynda, Şymkent qalasynyŋ äkımdıgı tarapynan geoaqparattyq portaldy qūryp ıske asyru jūmystary aǧymdaǧy jyldyŋ soŋyna deiın jüzege asady.
Basqarma basşysynyŋ sözınşe, qalanyŋ damuy bas josparǧa säikes, soltüstık baǧytta jürgızılude. Atap aitqanda, Äkımşılık ıskerlık ortalyǧy aumaǧy 282 gektar, äkımşılık, köpsalaly mädeni, oqu-aǧartu jäne basqa da halyqqa qyzmet körsetu ǧimarattary, köpqabatty tūrǧyn qūrylys nysandary salynyp, igerıluı tolyq aiaqtaluda. Al «Sifrlyq Qazaqstan» memlekettık baǧdarlamasyn jüzege asyru aiasynda qala äkımdıgı tarapynan geoaqparattyq portaldy qūryp ıske asyru jūmystary osy jyldyŋ aiaǧyna deiın josparlandy, – dedı basqarma basşysy.
Nūrlan Arhabaev - Şymkent qalalyq Säulet, qala qūrylysy jäne jer qatynastary basqarmasynyŋ basşysy
Aldaǧy uaqytta, geo portal ötınış beruşıge üiden nemese keŋseden şyqpai-aq qyzmet aluǧa, sondai-aq memlekettık organdar men qalanyŋ kommunaldyq ūiymdary arasynda qūjattardy kelısu prosesterın tolyq avtomattandyruǧa mümkındık beredı. Jüie qyzmet körsetudıŋ barlyq tızbegın elektrondyq nysanǧa köşıruge, olardy körsetudıŋ naqty merzımın 3-6 künge deiın qysqartuǧa, qyzmet beruşı men qyzmet aluşynyŋ tıkelei bailanysyn boldyrmauǧa, Halyqqa qyzmet körsetudıŋ qoljetımdılıgı men aşyqtyǧyn qamtamasyz etuge, sondai-aq äkımdık qyzmetınıŋ tiımdılıgın arttyruǧa mümkındık berdı.
Nūrlan Arhabaev - Şymkent qalalyq Säulet, qala qūrylysy jäne jer qatynastary basqarmasynyŋ basşysy
Aita keteiık, basqarma tarapynan 17 memlekettık qyzmet türı körsetıledı. Jyl basynan berı jalpy sany 25 006 memlekettık qyzmet körsetılgen. Sonymen qatar, 5 nysannyŋ qūrylysy üşın qarastyrylǧan jer telımı memleket mūqtajyna qaitarylǧan.
Perizat Ortai
