Almatyda äkesınen zorlyq körgen 12 jastaǧy qyz ben onyŋ jaqyndary tūrmys tauqymetın tartyp otyr. Äkesı türmege otyrǧannan keiın anasy üş balamen qiyn jaǧdaiǧa tap boldy, dep habarlady "Astana"telearnasy.
Tuystary olardy tırkeude tūrǧan päterden şyǧaryp tastaǧan. Sottalǧan küieuınıŋ nesiesı de moiyna ılıngen jalǧyz basta ana qazır balalaryna ışerge as, kierge kım tappai qinalyp jür. Tūryp jatqan baspanalary da panalauǧa keletın jer emes.
"Tuǧan äkesı qyzymyzdy zorlady. Ol kezde balam 12 jasta bolatyn. Būl äreketın ülken qyzym körıp, dereu maǧan habarlasty. Polisiia şyqyrttym. Ony alyp kettı. Ol mas bolatyn", - deidı äiel.
Küieuın sot 15 jylǧa bas bostandyǧynan aiyrǧan. Zorlyq körgen qyzynyŋ psihikasyn qalpyna keltıru, küieuınen qalǧan nesie, üş balanyŋ ışıp-jerı bärı bır äieldıŋ moinyna artyldy.
"Küieuım dostarymen bırge ıs bastau üşın nesie alǧan. Artynan onyŋ naşaqor ekenın bıldım. Soŋǧy kezde jiı ışıp keletın bolǧan. Myna tozyp tūrǧan üide balalarymmen tūruǧa qorqamyn. Ot jaǧyp jūmysqa ketken kezde janymdy qoiarǧa jer tappai ketemın. Qazır üi iesı jer uchaskesın satuǧa qoiypty. Satylyp ketse dalada qalatyn türımız bar", - deidı ol.
Qazır tūryp jatqan baspanada jaryqtan basqa eşteŋe joq. Sudy körşılerden tasyp ışedı. Üş künde bır su tasyp juynady.
Üidegı peştıŋ özı ışın jylytpaidy.
"Svet" qoǧamdyq qorynyŋ direktory Kirill Vşikovtyŋ aitunyşa, ol aşyq türde kömek sūrai almaidy.
"Bız azyq-tülıkpen kömektesemız, kiım-keşek äperemız. Bıraq olarǧa baspana kerek. Myna üide tūru mümkın emes. Üidıŋ şynysy joq, ışı suyq. Mesenat tabylsa üi alyp bereiık degen nietımız bar", - deidı ol.
Nauryzbai audanynyŋ äkımdıgı mesenat tabuǧa kömektesuge uäde bergen.
"Akt toltyryp, tūrmystyq jaǧdailaryn esepke alamyz. Erekşe baqylauǧa alu kerek ekendıgın eskeremız. Olarǧa gumanitarlyq, demeuşılık kömek körsetılıp otyratyn bolady", - deidı Naruyzbai audany äkımdıgınıŋ äleumettık mäseleler bölımınıŋ basşysy Erkın Sadyqov.
Qazır äiel qaiyrymdy jandardyŋ kömegınen ümıttı. Öitkenı bır özı būl tyǧyryqtan şyǧa almasyn tüsınedı.
