Äielın 9 jyl azaptaǧan. Fransiiada zorlyqşy 20 jylǧa bas bostandyǧynan aiyryldy

Fransiianyŋ Avinon qalasynda jantürşıktırerlık qylmys jasaǧan azamatqa qatysty sot prosesı aiaqtaldy, dep habarlaidy “Adyrna” ūlttyq portaly. 72 jastaǧy Dominik Peliko özınıŋ būrynǧy äielı Jizelge auyr qylmys jasaǧany üşın 20 jylǧa bas bostandyǧynan aiyryldy. Ol äielın 2011-2020 jyldar aralyǧynda esırtkı qoldanyp ūiyqtatyp, bögde er adamdardy üiıne şaqyryp, ony zorlauǧa mümkındık bergen. Būl qylmystardy beinejazbalar däleldedı. Sotta Dominik Pelikonyŋ qylmystaryna qatysqan taǧy 50 adam jauapqa tartyldy. Olardyŋ barlyǧy kınälı dep tanyldy. Qylmyskerlerdıŋ jasy 26 men 74 arasynda. Sottalǧandardyŋ arasynda ört söndıruşı, jurnalist, IT-mamany, santehnik jäne äskeri qyzmetkerler bar. Köpşılıgı otbasyly, balalary bar ekenı anyqtaldy. Būl sot ısınıŋ erekşe tūsy – onyŋ aşyq ärı mediialyq türde ötkendıgı. Mūndai jaǧdai jynystyq zorlyq-zombylyq ısterınde sirek kezdesedı. Jäbırlenuşı Jizel Peliko sottyŋ aşyq ötuın talap etıp, qoǧam qoldauyna ie boldy. Fransiianyŋ tükpır-tükpırınde myŋdaǧan adamdar onyŋ ädıldık ızdeu jolyna qoldau körsetıp, şeruler ūiymdastyrdy.