Nūr-Sūltanda alqabiler soty tapsyryspen adam öltıru ısı boiynşa Ūlttyq qauıpsızdık komitetınıŋ (ŪQK) būrynǧy maiory Aidyn Alpysbaevty kınäsız dep tapty. Alpysbaev segız jylyn temır tordyŋ arjaǧynda ötkızdı, dep habarlaidy “Adyrna” ūlttyq portaly.
Alqabiler sot Aidyn Alpysbaev, Sergei Logvinenko jäne Mūrat Hasenovke qatysty ükım şyǧardy.
"Alqabiler alqasy men sottyŋ şyǧarǧan ükımımen Alpysbaev, Hasenov pen Logvinenkonyŋ ısı qylmystyq oqiǧalardyŋ bolmauyna bailanysty aqtaluǧa jatady", – dedı sudia Tamara Korolevskaia.
Sot prosesı Nūr-Sūltan qalasynyŋ qylmystyq ıster jönındegı mamandandyrylǧan audanaralyq sotynda sudia Tamara Korolevskaianyŋ töraǧalyǧymen öttı. Qylmystyq ıs materialdaryna säikes, Aidyn Alpysbaev, Mūrat Hasenov jäne Sergei Logvinenko aldyn ala söz bailasu barysynda käsıpker İgor Kudindı öltırmek bolǧan, alaida oilary sätsızdıkke ūşyraǧannan keiın olar ekınşı äreketke daiyndalyp jatqan.
ŪQK-nıŋ būrynǧy maiory Aidyn Alpysbaevtyŋ ısı 2014 jyly bastalǧan. Käsıpker İgor Kudin belgısız bıreulerdıŋ ömırıne qastandyq jasamaq bolǧany turaly aryzben qūqyq qorǧau organdaryna jügınedı. Al bır beinejazbanyŋ jäne kriminaldyq polisiia basqarmasynyŋ "K" bölımınıŋ bastyǧy Ersen Öteǧalievtıŋ orasan jūmysynyŋ arqasynda qūqyq qorǧau organdary qastandyq äreketke qatysuşylardy anyqtai aldy.
Qorǧauşy tarap, sondai-aq sottaluşylardyŋ özderı de ıs tergelıp jatqanda türlı zaŋ būzuşylyqtarǧa bırneşe ret nazar audarǧan. Osy kezde kün men uaqyt datalarynyŋ säikes kelmeitının aŋǧarǧan. Köptegen qūjattarda oryndauşynyŋ özı, künı, qoly joq.
Sotta aiyptaluşylar qysym turaly da aityp, bırınşı aiǧaqtardan bas tartty, onda Alpysbaev Hasenovten käsıpkerdı öltırudı ūiymdastyrudy sūraǧany aitylǧan edı. Hasenov öz kezegınde küieu balasy Sergei Logvinenkony öltıruşı retınde jaldaǧan. Olardyŋ maqsaty aqşa alu jäne käsıpkerdıŋ biznesın tartyp alu mümkındıgı boldy. Prokurorlar qandai da bır qysym körsetu faktısın joqqa şyǧaratyn qolda bar saraptamaǧa süienıp, mūndai mälımdemelermen kelıspegen.
Aidyn Alpysbaev 2014 jyldan berı özınıŋ kınäsızdıgın aityp, ony jan-jaqty däleldeuge tyrysyp keledı. Alpysbaevtyŋ ötınışı boiynşa sot alqabilerdıŋ qatysuymen öttı. Sottaluşy ūstalǧan sätten bastap aiǧaq beruden bas tartyp, osyǧan bailanysty psihologiialyq qysymǧa da ūşyraǧan. 2016 jyly sot Säken Süleimenovtıŋ ısınıŋ tergeuşısın Alpysbaevty azaptaǧany üşın 3 jylǧa bas bostandyǧynan aiyrdy.
Azaptau janjalynan bölek, būl ıs özge oqiǧalarmen de este qaldy. Qazırgı ötken sot otyrysynda üşınşı alqabiler alqasy otyrdy. Bırınşı qūramda töraǧalyq etuşı sudia Qaiyrov tarapynan qysym bolǧany, onyŋ aiypty ükımdı şyǧaruǧa mäjbürlegenı aitylǧan. Keiın Joǧarǧy sot ükımdı joiyp, ıstı qaita qarauǧa jıberdı. Tamara Korolevskaia keŋesu bölmesınıŋ qūpiiasyn aşamyz degen jeleumen ekınşı qazylar alqasyn taratyp jıberdı. Endı qazırgı qūram Aidyn Alpysbaev, Sergei Logvinenko jäne Mūrat Hasenovtıŋ kınäsız ekenın eskerıp, öz ükımın şyǧardy.
”Adyrna” ūlttyq portaly
