Türkıstan poliseilerı tūrǧyndarǧa päter alyp beremın dep 15 million teŋge şyǧyn keltırgen alaiaqty ūstady, dep habarlaidy «Adyrna» tılşısı Polisia.kz-ke sılteme jasap.
Kentau qalalyq polisiia bölımıne jergılıktı tūrǧyn aryzdanyp kelgen. Aryzdanuşynyŋ aituynşa, būryn soŋdy tanys emes er adam Şymkent qalasynan üi alyp beremın dep 2 500 000 teŋgesın qolma-qol bergenın, alaida aradaǧy uäde oryndalmaǧanyn aityp jetkızgen. Jalpy jäbırlenuşılerge keltırılgen şyǧynnyŋ kölemı 15 million teŋgenı qūrady.
«Aryzdy poliseiler QR QK-nıŋ 190-baby (Alaiaqtyq) boiynşa tırkedı. Tärtıp saqşylarynyŋ atqarǧan jedel şaralary nätijesınde, nebary täulık ışınde alaiaqtyq jaityna qatysy bar Türkıstan qalasynyŋ tūrǧyny ūstaldy. Ol jūmyssyz jürgen, būryn soŋdy osyndai alaiaqtyq jaityna qatysy bar azamat bolyp şyqty. Atqarylǧan jūmystar barysynda anyqtalǧandai, küdıktı er azamat öz aram oiyn ıske asyru üşın Kentau qalasynyŋ tūrǧynyn jolyqtyryp, Şymkent qalasynan üi alyp beremın degen jalǧan uädesımen senımıne kırıp, aqşasyn alyp alady. Osydan soŋ uäde oryndalmai, ne aqşa qaitarylmai 1 jyl boiy jäbırlenuşını äure-sarsaŋǧa salǧan»,– delıngen habarlamada.Sondai-aq kentaulyq poliseiler küdıktı azamattyŋ 13 tūrǧynnan alaiaqtyq jolmen aqşa alǧanyn anyqtady. Qazırgı uaqytta orta jastaǧy azamatqa qatysty sotqa deiıngı tergeu amaldary jürgızılude.
«Adyrna» ūlttyq portaly
