Türkıstan oblysynda küdıktı er azamat uchaskelık inspektorge pyşaq jaraqatyn saldy. Būl turaly oblystyq PD baspasöz qyzmetı jazdy, dep habarlaidy «Adyrna» tılşısı.
Saryaǧaştyq uchaskelık poliseilerdıŋ bırı polisiia kapitany Asqar Uäliev öz aumaǧynyŋ tūrǧyny, esırtkı boiynşa küdıktı dep tanylǧan er azamatty sotqa deiıngı tergeuge şaqyru kezınde jaraqattanǧan.
«Naqtyraq aitar bolsaq, Saryaǧaş APB-nyŋ saqşylarymen arnaiy reid jürgızu kezınde jürısı küdık tudyrǧan jaiau jürgınşı anyqtalyp, äŋgımege tartyldy. Qūjattary tekserıldı. Tekseru barysynda küdık tudyrǧan jaiau jürgınşıden esırtkı zaty anyqtaldy. Esırtkı saraptamaǧa joldanyp, qorytyndysy boiynşa «keptırılgen marihuana» bolyp şyqty. Osydan soŋ audannyŋ tärtıp saqşylary er azamatqa qatysty QR QK-nıŋ 296-babymen «Esırtkı, psihotroptyq zattarmen, sol tektestermen ötkızu maqsatynsyz zaŋsyz jūmys ısteu» sotqa deiıngı tergeu bastalady. Küdıktı tergeuge şaqyrylady. Alaida er azamattyŋ keşıguıne bailanysty uchaskelık polisiia inspektory polisiia kapitany Asqar Uäliev küdıktıge jolyǧyp, zaŋǧa baǧynu qajettılıgın tüsındıredı. Osy kezde küdıktı er azamat ashana pyşaǧyn alyp, kütpegen jerden poliseidıŋ aiaǧyna sūǧyp alady. Sodan soŋ oqiǧa ornynan qaşyp kettı»,– delıngen habarlamada.Küdıktı er azamat üiınen ūstaldy. Odan aiǧaqty zat retınde «ashana pyşaǧy» alyndy. Bügınde er azamat qamauda. Ūstalǧan azamatqa qatysty QR QK-nıŋ 296-babymen bırge QR QK-nıŋ 380-1-baby 1 bölıgımen «Qūqyq qorǧau organy, arnauly memlekettık organ qyzmetkerınıŋ ömırıne qolsūǧuşylyq» sotqa deiıngı tergeu amaldary jürgızılude.
«Adyrna» ūlttyq portaly
