Bügın QR Täuelsızdıgınıŋ 30 jyldyǧyna orai qala äkımı Mūrat Äitenovtıŋ bastamasymen Şymkent qalasynyŋ tört audanynda «Jastar resurstyq ortalyǧynyŋ» bölımşelerı aşyldy.
Qaratau audanyndaǧy bölımşenıŋ aşyluyna Şymkent qalasynyŋ äkımı Mūrat Äitenov, qalalyq mäslihat hatşysy B.Narymbetov, Qaratau audanynyŋ äkımı A.Älıqūlov, sonymen bırge «Qazaqstan jastar kongresı» zaŋdy tūlǧalar bırlestıgınıŋ atqaruşy direktory Toqtar Bolysov qatysty.
Qalalyq Jastar resurstyq ortalyǧynyŋ basşysy Erlan Aitbaev audandyq bölımşenıŋ jūmys barysymen tanystyrdy. Jastardyŋ igılıgı üşın paidalanuǧa berılgen ortalyq 2 qabattan tūrady jäne bır mezette 50-100 jasqa qyzmet körsete alady.
Ortalyq negızgı 5 baǧyt boiynşa jūmys jasaidy: jastarǧa qyzmet körsetu, talantty jastardy qoldau, kovorking ortalyǧy, şaǧyn kıtaphana, psihologiialyq keŋes beru. Ärbır baǧyt boiynşa jastar şyǧarmaşylyq bastamalaryn qoldauǧa, jas käsıpkerlerdı qoldau jäne nesielendıru joldary, jūmyspen qamtu, tūrǧyn üige qol jetkızu, jūmys ornyn tabu sekıldı mümkındıkterge ie bolmaq.
Ǧimarattyŋ ornalasu jerıne de asa män berılgen, janynda 2 mektep, 4 oqu ortalyǧy, saiabaq, alleia, teatr, mädeniet üiı, kıtaphana, aula kluby, 50 şaqty köpqabatty üi bar. Mūnyŋ özı jastarmen jūmys jürgızuge, olardyŋ bos uaqytyn tiımdı ötkızuge qolaily bolyp otyr.
Ortalyqtyŋ jūmysymen tanysyp, jastarmen sūqbattasqan şahar basşysy aralau soŋynda «Qazaqstan jastar kongresı» zaŋdy tūlǧalar bırlestıgınıŋ atqaruşy direktory Toqtar Bolysovpen yntymaqtastyq turaly memorandumǧa qol qoidy.
