Qazaqstan prezidentı Nūrsūltan Nazarbaev resmi saparmen Vaşingtonǧa bardy dep habarlady 16 qaŋtarda Aqordanyŋ baspasöz qyzmetı. Nazarbaev sapar barysynda AQŞ prezidentı Donald Tramppen, resmi jäne ısker top ökılderımen kezdespek. Nazarbaev 16-18 qaŋtar aralyǧyndaǧy saparynda sonymen qatar BŪŪ Qauıpsızdık keŋesınıŋ jiynyna da qatysady.
Būǧan deiın Aq üidıŋ baspasöz qyzmetı Vaşingtonda ekı el prezidentı aimaqtyq qauıpsızdık, ekonomikalyq mäseleler men AQŞ-Qazaqstan arasyndaǧy qarym-qatynasty talqylaitynyn, bırneşe halyqaralyq mäselelerdı, sonyŋ ışınde Auǧanstandaǧy jaǧdaidy söz etetının habarlaǧan.
Al Qazaqstannyŋ memlekettık aqparat agenttıkterı ekı el prezidentı Reseimen qarym-qatynas, Siriiadaǧy soǧys jäne sauda mäselelerın talqylaitynyn habarlaǧan.
Qazaqstandyq keibır sarapşylardyŋ boljamynşa, prezident Nūrsūltan Nazarbaevtyŋ AQŞ-qa saparynda demokratiia men adam qūqyǧy mäselelerı talqylanuy ekıtalai. Mamandar “AQŞ prezidentı Donald Tramp pen Nazarbaev Ūlttyq qordyŋ amerikalyq bankte "būǧattalyp jatqan" aqşasy söz etuı ǧajap emesın» aitady.
azattyq.org
