Qazaqstan prezıdenti Nursultan Nazarbaev resmı saparmen Vashıngtonǵa bardy dep habarlady 16 qańtarda Aqordanyń baspasóz qyzmeti. Nazarbaev sapar barysynda AQSh prezıdenti Donald Tramppen, resmı jáne isker top ókilderimen kezdespek. Nazarbaev 16-18 qańtar aralyǵyndaǵy saparynda sonymen qatar BUU Qaýipsizdik keńesiniń jıynyna da qatysady.
Buǵan deıin Aq úıdiń baspasóz qyzmeti Vashıngtonda eki el prezıdenti aımaqtyq qaýipsizdik, ekonomıkalyq máseleler men AQSh-Qazaqstan arasyndaǵy qarym-qatynasty talqylaıtynyn, birneshe halyqaralyq máselelerdi, sonyń ishinde Aýǵanstandaǵy jaǵdaıdy sóz etetinin habarlaǵan.
Al Qazaqstannyń memlekettik aqparat agenttikteri eki el prezıdenti Reseımen qarym-qatynas, Sırııadaǵy soǵys jáne saýda máselelerin talqylaıtynyn habarlaǵan.
Qazaqstandyq keıbir sarapshylardyń boljamynsha, prezıdent Nursultan Nazarbaevtyń AQSh-qa saparynda demokratııa men adam quqyǵy máseleleri talqylanýy ekitalaı. Mamandar “AQSh prezıdenti Donald Tramp pen Nazarbaev Ulttyq qordyń amerıkalyq bankte "buǵattalyp jatqan" aqshasy sóz etýi ǵajap emesin» aıtady.
azattyq.org