Resei "taiau jyldar ışınde" Estoniiaǧa şabuyl jasaidy. Būl turaly Estoniia qorǧanys küşterınıŋ qolbasşysy general-leitenant Martin Gerem ETV arnasynda bergen sūhbatynda habarlady.
Reseidıŋ yqtimal qaupın talqylai otyryp, Herem şabuyldy joqqa şyǧaruǧa bolmaitynyn jäne oǧan mümkındıgınşe daiyn bolu kerektıgın aitty.
"Bız Reseidıŋ qauıp töndıretının, şabuyl jasai alatynyn aitamyz. Bıraq qaşan? Biyl, kelesı jyly, üş jyl ışınde? Bız būl aldaǧy bırneşe jyldyŋ ışınde oryn aluy mümkın ekenın tüsınuımız kerek. Bız kelesı jyldarda bolatyn qauıpterge qarsy resurstar böluımız kerek pe, älde 2030 jylǧa deiın uaqytymyz bar ma, ol sol kezde ǧana şabuyl jasaidy dep otyramyz ba? Men bolaşaqta nemese bes-alty jyldan keiın bolatyn qauıpke emes, men äskerdı bügın boluy mümkın soǧysqa daiyndauym kerek. Mümkın Reseidıŋ maqsaty bızdı basyp alu emes, tūraqsyzdyq jasap, sol arqyly basqaryp otyru bolar. Būl Gruziiadaǧy, Ukrainadaǧy, Moldovadaǧy siiaqty tūraqsyzdyq bola ma, älde basqa formatta örbi me, ol jaǧy jūmbaq. Būl üşın Tallindı basyp aludyŋ qajetı joq. Ol üşın gibridtı soǧystyŋ basqa elementterı būryn da, keiın de jäne sol uaqytta da qoldau alatyn äskeri küşterdıŋ qysqa, şekteulı şabuylyn jasauy mümkın", - dedı ol.
Baltyq elderı Reseidıŋ agressiiasy şynaiy jäne jaqyn jyldary bolady dep sanaidy. Soŋǧy bes jylda olar qorǧanys salasyna böletın qarjyny üş esege arttyrǧan.
"Adyrna" ūlttyq portaly
