QR Ükımetınıŋ qaulysymen Erlan Qojaǧapanov Mädeniet jäne sport vise-ministrı qyzmetınen bosatylyp, Premer-Ministrdıŋ keŋesşısı qyzmetıne taǧaiyndaldy, dep habarlaidy «Adyrna» tılşısı.
Erlan Qojaǧapanov 1968 jyly Almaty oblysynda düniege kelgen. 1992 jyly E. Böketov atyndaǧy Qaraǧandy memlekettık universitetın, 1999 jyly Abai atyndaǧy Almaty memlekettık universitetın tämamdaǧan. 2006 jyly Resei Keden akademiiasyn bıtırgen.
Eŋbek jolyn 1989 jyly bastaǧan. 1990-1994 jyldary käsıpkerlık qyzmetpen ainalysqan. 1994-2007 jyldary memlekettık organdar men käsıporyndarda jūmys ıstegen. 2007-2013 jyldary Astana qalasy äkımınıŋ orynbasary qyzmetın atqarǧan. 2013-2016 jyldary QR Sport jäne dene şynyqtyru ısterı agenttıgınıŋ töraǧasy, QR Futbol federasiiasynyŋ prezidentı qyzmetterın atqarǧan. 2016 jylǧy jeltoqsannan bastap 2017 jylǧy qaraşa aralyǧynda QR Premer-Ministrı keŋesşısınıŋ m. a., keŋesşısı qyzmetın atqarǧan. 2017-2020 jyldary — QR mädeniet jäne sport vise-ministrı. 2020-2021 jyldary — Almaty qalasy äkımınıŋ bırınşı orynbasary. 2021 jylǧy säuırden bastap qazırgı uaqytqa deiın QR mädeniet jäne sport vise-ministrı boldy.
«Adyrna» ūlttyq portaly
