QR Ükımetınıŋ qaulysymen Şolpan Taŋatqyzy Karinova Qazaqstan Respublikasynyŋ bılım jäne ǧylym bırınşı vise-ministrı qyzmetıne taǧaiyndaldy. Būl turaly QR premer-ministrınıŋ baspasöz qyzmetı mälım ettı, dep habarlaidy "Adyrna" ūlttyq portaly.
Şolpan Karinova 1972 jyly Aqmola oblysynda düniege kelgen. Ş. Uälihanov atyndaǧy Kökşetau pedagogikalyq institutyn, Omby memlekettık pedagogikalyq universitetın bıtırgen.
Eŋbek jolyn 1994 jyly auyl mektebınde mūǧalım bolyp bastady.
1998-1999 jyldary — orys tılı men ädebietı pänınıŋ mūǧalımı. 1999-2000 jyldary — orys synyptarynda qazaq tılı pänınıŋ mūǧalımı.
2000-2002 jyldary — direktordyŋ oqu-tärbie jūmysy jönındegı orynbasary.
2002-2003 jyldary Kökşetau medisinalyq kolledjınde oqytuşylyq jäne audarma qyzmetımen ainalysqan.
2003-2004 jyldary — SQO Taiynşa audany Bılım jäne sport bölımınıŋ ädıskerı; oqu jūmysy boiynşa bölımşe basşysynyŋ m. a.
2004-2005 jyldary — SQO Taiynşa audany №5 orta mektebınıŋ direktory.
2005-2008 jyldary — SQO Taiynşa audanynyŋ Bılım bölımınde basşylyq lauazymdardy atqardy.
2008-2009 jyldary — SQO Taiynşa qalasy äkımı apparatynyŋ qūrylymdyq bölımşesınıŋ basşysy.
2009-2012 jyldary — SQO Bılım basqarmasy basşysynyŋ orynbasary, Petropavl qalasy.
2012-2013 jyldary — Petropavl qalasy äkımınıŋ äleumettık sala jönındegı orynbasary.
2013-2017 jyldary — SQO Bılım basqarmasy basşysynyŋ m. a., basşysy, Petropavl qalasy.
2017-2018 jyldary — QR BǦM Mektepke deiıngı jäne orta bılım departamentınıŋ direktory.
2018-2019 jyldary — Astana qalasyndaǧy "Nazarbaev ziiatkerlık mektepterı" Pedagogikalyq şeberlık ortalyǧy direktorynyŋ orynbasary.
2019 jylǧy tamyzdan bastap qazırgı uaqytqa deiın QR BǦM bılım jäne ǧylym vise-ministrı qyzmetın atqardy.
"Adyrna" ūlttyq portaly
