Qalalyq energetika jäne infraqūrylymdy damytu basqarmasynyŋ basşysy B.Bolatbekovtyŋ qatysuymen ötıp jatqan press-tur barysynda jurnalister QR Täuelsızdıgınıŋ 30 jyldyǧy aiasynda Şymkent qalasynda qūrylysy jürgızılıp jatqan üş magistraldy su qūbyrynyŋ qūrylys barysyn aralap kördı.
Jalpy ūzyndyǧy 11,37 şaqyrymdy qūraityn «Kömeşbūlaq» nysanynyŋ qūrylysy 2020 jyly bastalǧan bolatyn. Qazırgı uaqytta 8,3 şaqyrym qūbyr ornatylyp, qūrylys jūmystarynyŋ 85 paiyzy aiaqtaldy. Nysan qūrylysyn osy jyldyŋ qaraşa aiynda aiaqtau josparlanyp otyr.
Sonymen qatar, ūzyndyǧy 13,6 jäne 11,76 şaqyrymdy qūraityn auyz su qūbyrlarynyŋ qūrylysy da biyl aiaqtalyp, jyl soŋynda paidalanuǧa berıledı dep kütılude.
Atalǧan magistraldy su qūbyrynyŋ qūrylysy aiaqtalsa Asar-2, Dostyq, Soltüstık saiajai, Yntymaq, Yntymaq-2, Batys, Qyzyljar, İgılık, Jaŋatalap, Täuelsızdıkke 20 jyl, Kökbūlaq tūrǧyn alaptary tolyqqandy sapaly auyz sumen qamtamasyz etıletın bolady.
Qazırgı uaqytta qala tūrǧyndaryn sapaly auyz sumen qamtu maqsatynda 14 nysannyŋ, iaǧni 3 magistraldy suaqqy men 11 ışkı oramdyq jüieler qūrylysy jürgızılıp jatyr.
Al būl jyly barlyǧy 9 eldımekende qūrylys jūmysy aiaqtalyp, Tūran, Soltüstık saiajai, Yntymaq-2, Batys, Jaŋatūrlan, Asar-2, Aqtas, Jaŋatalap jäne Säule şaǧyn audandary sapaly auyz sumen qamtylady.
