Şymkentte jaŋa oqu jylyn 203 mektep dästürlı oqu formatymen jūmysyn bastady. Mektepter biyl 234 myŋǧa juyq oquşyny qamtyp otyr. 25 myŋ bala mektepke alǧaş ret bardy. Megapolis tūrǧyndarynyŋ törtten bırı – mektep jasyndaǧy balalar. Būl ösım potensialy joǧary qala degendı bıldırse, mektepter sanyn köbeituge qajettılık bar degendı ūǧyndyrady.
Memleket basşysynyŋ apatty jäne üş auysymdy mektepterdı azaitu jönındegı tapsyrmasyna säikes qalada mektepter saludyŋ jaŋa jobasy qolǧa alynǧan.
Täuelsızdıktıŋ 30 jyldyǧy qarsaŋynda aşylǧan bılım mekemelerınıŋ qatarynda «ADAN» mektebı de bar. Bılım beru ūiymy 600 balaǧa laiyqtalǧan. Qazır mūnda 399 oquşyǧa joǧary bılıktı 31 pedagog bılım berude. Äzırge tek bastauyş synyptary qazaq jäne orys tılderınde oquda.
Balalar ūzartylǧan kün tärtıbınde 3 mezgıl ystyq tamaqpen qamtylsa, qauıpsızdık üşın tasymal qyzmetıne arnaiy kölık qarastyrylǧan. Oquşylardyŋ jan-janty damuy üşın aǧylşyn tılı, bi, vokal, şahmat, kışı futbol üiırmelerı de bar.
Bılım ūiasynda 24 synyptyq kabinet jäne 7 qosymşa synyp oqu jabdyqtarymen qamtylǧan, akt jäne sport zaldary, syrtta jabyq kışı futbol alaŋy, medisinalyq beket jäne ashana bölmelerı bar. Qosymşa sabaqtarǧa arnalǧan 7 synyp taǧy bar.
Biyl üş auysymdy mektepter sany 14-ten 9-ǧa tömendedı. Pän kabinetterınıŋ jabdyqtaluy 32,5 paiyzdan 65 paiyzǧa jettı.
