Búgin Shymkent qalasynyń ákimi Murat Áıtenov Tokıoda ótken Olımpıadanyń qola júldegerleri Darhan Asádilov pen Sofıa Berýlevaǵa páter kiltin tabystady.
Sportshylardyń álemdik dodalardaǵy jetistigi el abyroıy úshin mańyzdy. Qala ákimi jetistikter arqyly karate sport túriniń qaladaǵy damý deńgeıin kótergenin aıtyp, osy eńbekteri úshin qala turǵyndary atynan alǵys bildirdi.
Sportshylarǵa turǵyn úı qorynyń esebinen berilgen Nursát shaǵynaýdanyndaǵy bir bólmeli páterdi qala ákiminiń orynbasary Maqsut Isahov lentasyn qıyp tabystady.
Táýelsizdiktiń 30 jyldyǵy qarsańynda osyndaı tabystarǵa qol jetkizgen qos júldeger ákimdikke jáne jankúıer halyqqa alǵystaryn jetkizdi. Sondaı-aq, olar bul qarqynda qalyp qoımaı, alda ótetin Azııa chempıonatyna qyzý daıyndalatynyn atap ótti.
Aıta keteıik, karate sporty bıylǵy Olımpıada oıyndaryna tuńǵysh ret engizilgen bolatyn. Darhan men Sofıa – karate tarıhynda Qazaqstannan shyqqan tuńǵysh Olımpıada júldegeri.
