Qazaqstandyq auyr atletter Mihail Makeev pen Farhat Samarhanov ärıptesterı Albert Linderdıŋ qaiǧyly qazasyna bailanysty video ündeu jasady, dep habarlaidy «Adyrna» tılşısı orda.kz-ke sılteme jasap.
25 jasar auyr atlet Linerdıŋ jaqynda qaitys bolǧan edı. Ol az ǧana uaqyttyŋ ışınde jasöspırımder arasynda älem chempiony, Aziia chempiony, Universiadanyŋ jeŋımpazy jäne rekordsmenı, Qazaqstannyŋ bırneşe dürkın chempiony atanyp ülgerdı.
— Menıŋ atym – Makeev Mihail. Albert Linderdıŋ qazasynan keiın men bır närsenı tüsındım, jyldar boiy qan men terımmen tapqan medaldar maǧan endı qajet emes. Men öz halqym üşın emes, basqa adamdardyŋ paidasy üşın jattyǧyp, jarystarǧa qatysqandyqtan, maǧan endı olar qajet emes, – dedı Makeev medaldardy qoqys jäşıgıne laqtyryp jatyp.Taǧy bır sportşy Samarhanov ta osyndai oiymen bölısıp, beinejazbaǧa tüstı.
— Barşaŋyzǧa Assalaumaǧaleiküm! Men būl videony auyr atletikaǧa qatysy bar barlyq adamǧa jäne qarapaiym halyqqa jetkızgım keledı. Albert Linderdı eske alu üşın bır auyz söz aitqym keledı. Jas kezımızde bız ülken biıkterge qol jetkızgımız keldı, bıraq kedergı köp boldy. Al Albertpen bolǧan jaǧdaida onyŋ ömırıne balta şabyldy, – dedı sportşy.Ol ösıp kele jatqan ūrpaqqa da sporttaǧy qiyndyqtar turaly aityp öttı.
— Bızge jattyqtyruşylar: «Ornyŋdy basa almaityn adam bolmaidy. Sen ketseŋ, basqasy keledı»,— dep aitatyn. Sondyqtan senderdı de bır künı özgeler almastyrady. Al būl medaldar maǧan endı kerek emes. Olardy üiımnıŋ qabyrǧasyna ılıp, şaŋ jinap, ömırımnıŋ bos ketken jyldaryn eske tüsırudıŋ maǧynasy joq, – dedı Samarhanov.
<>Posmotret etu publikasiiu v Instagram
«Adyrna» ūlttyq portaly
