Atyraý qalasynda eki qabatty mansardty úı órtenip ketti, dep habarlaıdy oblystyq tótenshe jaǵdaılar departamenti baspasóz qyzmeti.
Dıspetcherlik pýltke búgin saǵat 13:34-te Atyraý qalasynyń Jumysker shaǵynaýdanyndaǵy 380-d meken-jaıynda ornalasqan turǵyn úıden tútin shyǵyp jatqany týraly habar túsken.
«Departamenttiń órt sóndirýshileri saǵat 13:43-te shaqyrtý ornyna jetip, mansardty turǵyn úı janyp jatqanyn anyqtady. Órtti sóndirýge arnaıy qyzmettiń 15 qyzmetkeri men 3 tehnıkasy jumyldyryldy. Jalyn saǵat 13:59-da oqshaýlanyp, saǵat 14:17-de tolyq sóndirildi. Órtengen aýmaq kólemi – 180 sharshy metr» dep habarlady departamenttiń baspasóz qyzmeti.
