BioNTech pen Pfizer jasaǧan koronavirus infeksiiasyna qarsy vaksina 5 jastan 11 jasqa deiıngı balalar üşın qauıpsız dep tanyldy. Būl turaly kompaniia öz saitynda mälımdedı, dep habarlaidy "Adyrna" ūlttyq portaly.
- Būl nätijenı balalar arasynda preparattyŋ klinikalyq synaqtary körsettı. Synaqtarǧa qatysqan 12 jasqa deiıngı balalarǧa üş apta aralyqpen on mikrogramm preparattyŋ ekı dozasy berıldı, – dep habarlady kompaniia.2020 jyldyŋ 21 jeltoqsanynda Europalyq därı-därmek agenttıgı (EMA) BioNTech jäne Pfizer konsorsiumy jasaǧan Comirnaty vaksinasyn maqūldady. Däl osy künı preparatty Europalyq komissiia maqūldady. Aita keteiık, būl şaraǧa 5 pen 11 jas aralyǧyndaǧy balalar qatysqan. Körsetılgen janama äserler 16 men 25 jas aralyǧyndaǧylarǧa da salynyp, salystyrylǧan. Kompaniia zertteudıŋ nätijesı boiynşa preparattyŋ qauıpsız ekenın jariia ettı. Synaq barysynda balalarǧa därınıŋ ekı komponentı egılgen eken. Ekınşı doza 21 künnen keiın salynǧan. Mamandardyŋ aituynşa, vaksina oŋai qabyldandy. Aǧzada auruǧa qarsy antideneler bır aidan keiın paida bolǧan. Endı jyl soŋyna deiın preparat 6 ai men 5 jas aralyǧyndaǧy balalar arasynda synalmaq. Zertteu nätijesı jyldyŋ soŋynda jariialanady.
"Adyrna" ūlttyq portaly
Ūqsas jaŋalyqtar
