Şymkent qalasynda Täuelsızdıktıŋ 30 jyldyǧyna orai jäne Otbasy künı merekesı qarsaŋynda bırqatar ıs-şaralar ūiymdastyryldy. Memleket basşysynyŋ būqaralyq sportty damytu tapsyrmasy negızınde «OTBASY FEST» atty otbasylyq saiys jas otbasylarǧa serpın berdı.
A. Asqarov atyndaǧy dendrosaiabaqta «Ruhani qoǧam älemı» qorymen bırlesıp ötken ıs-şaraǧa 10 otbasy qatysyp, baqtaryn synady. Jarysta bırınşı oryn alǧan Niiazalievter otbasyna teledidar berıldı. Is-şaraǧa belsene qatysqan on otbasy Alǧys hattarmen jäne demeuşıler esebınen türlı syilyqtarmen marapattaldy.
Qalalyq jūmyspen qamtu jäne äleumettık qorǧau basqarmasynyŋ qoldauymen «SHANYRAQ» ortalyǧynda ötken arnaiy ıs-şaralarda köpbalaly analar quanyşqa kenelıp, eŋbekterı elendı.
«Izgılıkte jarysaiyq» qorymen bırlesken «Otbasyndaǧy bala tärbiesı» taqyrybynda arnaiy psihologiialyq trening jäne «Otbasy – Otan tıregı» atty ıs-şara ötkızıldı.
Atalǧan jiynǧa Şymkent qalasynyŋ jūmyspen qamtu jäne äleumettık qorǧau basqarmasynyŋ basşysy B.Narbekova, qalalyq mäslihat deputaty N.Kerımbaeva qatysyp, batyr analarǧa elımızdıŋ demografiiasyna qosqan ülesterı üşın rizaşylyǧyn bıldırdı.
11 balanyŋ anasy Q.Daribaeva, 10 balaly ana J.Egemberdieva jäne 12-şı perzentın düniege äkeluge daiyndalyp jürgen J.Äljanovalar söz söilep, öz quanyştarymen bölıstı.
Sondai-aq, perzentterın jalǧyz tärbielep jürgen 2 äke de osyndai quanyşty kün syilaǧan ūiymdastyruşylarǧa rizaşylyqtaryn jetkızdı.
Şymkent qalasy äkımdıgınıŋ baspasöz qyzmetı
