Prezident keşegı halyqqa arnaǧan Joldauynda agro-öndırıste qordalanǧan mäselelerdı şeşıp, tauarlardyŋ baǧasyn tūraqtandyru boiynşa jūmystardy küşeitudı aitqan bolatyn.
Şymkent qalasynda qazırgı taŋda jalpy öndırıste tamaq öndırısınıŋ ülesı 20 paiyzdy qūrap otyr. Qalanyŋ megapolis boluyna bailanysty, auyl şaruaşylyǧy jerlerı jyl saiyn azaiuda, osy sebeptı qalada basymdylyq – agro-öndırıske berıletın bolady.
Täuelsızdıktıŋ 30 jyldyǧyna orai auylşaruaşylyq önımderın tereŋ öŋdeuge baǧyttalǧan «Bozaryq» tamaq önerkäsıbı industrialdy aimaǧyn qūru jūmystary jürgızılude. İndustrialdy aimaqty qūru üşın 132 gektardam astam jer telımı qarastyrylyp, bügıngı taŋda jer ielerımen kelıssözder jürgızu nätijesınde memleket mūqtajyna qaitaru kelısıldı. Aimaqqa infraqūrylym tartu jūmystary boiynşa tehnikalyq ekonomikalyq negızdeme daiyndalyp, biudjetten qarjy qaraldy.
İndustrialdy aimaq ekı kezeŋde ıske asatyn bolady. Bırınşı kezeŋ 2022-2023 jyldary jürgızılse, ekınşı kezeŋ 2023-2025 jyldary jüzege asyrylady. Mäselen, keler jyly biologiialyq qospalary bar qūnarly qūrama jem öndırısın salu jäne süt öndıru zauytyn salu, jemıs pen kökönıstı qaita öŋdeitın jäne konservıleu syndy käsıporyndar salu boiynşa 6 investordan ötınım tüsken. Olardyŋ jalpy qūny 6,7 mlrd. teŋgenı qūraidy. Jaŋa 600-den astam jūmys orny aşylatyn bolady.
Joǧaryda atalǧan qaita öŋdeu käsıporyndary ıske qosylǧanda süttıŋ qaita öŋdeu ülesı 42 paiyzdan, 48%-ǧa deiın, jemıs-kökönıstıŋ qaita öŋdeu ülesı 6 paiyzdan, 21 paiyzǧa jetetın bolady.
Qainar būlaq tūrǧyn alabynda ornalasatyn industrialdy aimaqta 23 mlrd. teŋgege 21 jobany jüzege asyru josparlanuda.
Şymkent qalasy äkımdıgınıŋ baspasöz qyzmetı
