Tótenshe jaǵdaılar mınıstrligi Órtke qarsy qyzmet komıtetiniń departament bastyǵy Almatydaǵy eski úılerde jıi órt shyǵýynyń birneshe sebebin aıtty, - dep habarlaıdy “Adyrna” ulttyq portaly.
Tótenshe jaǵdaılar mınıstrligi eldegi órt qaýipsizdigi boıynsha brıfıng kezinde jýrnalıst “nege Almatynyń eski ortalyǵynda órt jıi oryn alady, sodan keıin bul órtengen úılerdiń ornyna jańa záýlim úıler salynýda dep surady.
«Bul kezdeısoqtyq pa, álde bireý muny ádeıi istedi me, bul týraly birjaqty aıtý múmkin emes. Mundaı faktiler boıynsha quqyq qorǵaý organdary da tergeý júrgizip jatyr. Bul úıler keńestik kezde 50 -shi jyldary salynǵan.
Eger buryn qarapaıym páterde tońazytqysh pen teledıdardan basqa elektr qurylǵylary bolmasa, qazir plıtkalardyń barlyq túrleri, mıkrotolqyndy peshter, kompıýterler, zarıadtaǵyshtar, keptirgishter bar.
Elektr jelileri barlyq jerde tótep bere almaıdy, nátıjesinde órt shyǵady », - dedi TJM Órtke qarsy qyzmet komıtetiniń bastyǵy Erlan Tóregeldıev.
Tótenshe jaǵdaılar mınıstrliginiń málimetinshe, bıylǵy jyly órttiń jıi kezdesken sebebi (34%) elektr qondyrǵylarynyń buzylýy eken.
”Adyrna” ulttyq portaly
