Atyraý oblysynyń ákimi, «Nur Otan» partııasy Atyraý oblystyq fılıalynyń tóraǵasy Mahambet Dosmuhambetovtiń jetekshiligimen Saıası keńes Bıýrosynyń jáne Atyraý oblystyq máslıhatyndaǵy «Nur Otan» partııasy depýtattyq frakııasynyń birlesken májilisi ótti.
Kún tártibinde «Nur Otan» partııasynyń Saılaýaldy baǵdarlamasyn iske asyrý jónindegi «Jol kartasynyń» oryndalysy jáne Atyraý oblysynda ınklıýzıvti bilim berýdi damytý máseleleri talqylandy.
Partııanyń 2021-2025 jyldarǵa arnalǵan saılaýaldy baǵdarlamasyn iske asyrý jónindegi «Jol kartasynyń» oryndalysy týraly Atyraý oblysy ákiminiń orynbasary Narıman Taýshov baıandady.
«Oblystyń Jol kartasynda 7 basym baǵyt boıynsha 128 is-shara josparlanǵan. Atalǵan is-sharalardyń 34,7%-y «áleýmettik qyzmetke baǵdarlanǵan aımaq», 26,6%-y «ekonomıkalyq turaqty aımaq», 15,3%-y «jaıly aımaq» baǵytyna tıesili. Qalǵan 23,4%-yn basqa baǵyttar qurap otyr. Osy negizde aǵymdaǵy jyly Atyraý qalasynda 560 oryndyq 2 balabaqshanyń qurylysy aıaqtalyp, paıdalanýǵa berildi. Sondaı-aq, Atyraý qalasynda 2610 oryndyq 9 balabaqshalardyń qurylysy memlekettik-jekeshelik áriptestik aıasynda júrgizilýde. Jyl aıaǵyna deıin 4 balabaqsha qurylysy aıaqtalady»,-degen N.Taýshov, jol kartasyndaǵy keıbir sharalardyń oryndalmaı qalý qaýpi de bar ekenine nazar aýdardy.
Jıynda ınklıýzıvti bilim berýdi damytý baǵytynda atqarylyp jatqan jumystar týraly Atyraý oblysy Bilim berý basqarmasynyń basshysy Satqan Esenǵalıev aqparat berdi.
«Oblystyń 159 mektebinde ınklıýzıvti bilimmen 1040 erekshe bilimdi qajet etetin oqýshynyń damý deńgeıi men jas ereksheligi eskerilip, bilim berilýde. Barlyq bilim berý uıymdarynda balalardy ınklıýzıvtik bilimmen qamtý úshin mektepterdi arnaıy jabdyqtaý jumystary júrgizilýde. Búgingi tańda ınklıýzıvti bilim berýdi qoldaý baǵytynda aýtıstik spektri buzylǵan balalar úshin qoǵamdyq qorlardyń bastamasymen 6 mektepte ınklıýzııany qoldaý kabınetteri ashyldy»,- dedi S.Esenǵalıev.
Sondaı-aq, basqarma basshysy erekshe bilimdi qajet etetin balalardyń quqyqtary men múddelerin qorǵaý maqsatynda 400 oryndyq korrekııalyq ortalyq ashylý josparlanýda ekenin de jetkizdi.
Jıyn sońynda «Nur Otan» partııasy oblystyq fılıalynyń tóraǵasy, aımaq basshysy Mahambet Dosmuhambetov talqylanǵan máseleler boıynsha jumysty jandandyrý qajettigin aıtyp, jaýapty tulǵalarǵa birqatar tapsyrmalar berdi.
«Jergilikti atqarýshy organdar oblysta ınklıýzıvti bilim berýdi damytý boıynsha qajetti sharalardy qabyldasyn. Partııanyń oblystyq fılıaly jergilikti atqarýshy organdarmen birlesip, «Kedergisiz keleshek» jobasy aıasynda kedergisiz orta qalyptastyrý jumysyna taldaý jasap, ol «Áleýmettik osal toptardy qoldaý jónindegi» aımaqtyq Keńes otyrysynda qaralsyn»,-degen M.Dosmuhambetov, oblys ákiminiń orynbasary N.Taýshovqa partııanyń Saılaýaldy baǵdarlamasyn iske asyrý jónindegi «Jol kartasynyń» oryndalmaý qaýpi bar tarmaqtary boıynsha qosymsha sharalar qabyldaý qajettigin eskertti.
Sondaı-aq, oblys ákiminiń birinshi orynbasary S.Aıdarbekovke, salalyq basqarmalar, qala, aýdandar ákimderine oryndalmaý qaýpi bar ınvestıııalyq jobalardy, jumys oryndarynyń qurylýy boıynsha kórsetkishterdi jeke baqylaýǵa alyp, ındıkatorlardyń tolyq oryndalýyn qamtamasyz etýdi, qajet jaǵdaıda olardy almastyrý jóninde naqty sharalar alýdy tapsyrdy.
Jıynǵa oblystyq partııa fılıaly Saıası keńesi Bıýrosynyń jáne oblystyq máslıhattaǵy «Nur Otan» partııasy depýtattyq frakııasynyń músheleri, oblys ákiminiń orynbasarlary, jergilikti atqarýshy organdar basshylary, aýmaqtyq partııa fılıaldarynyń tóraǵalary qatysty.
