Bes bırdei adamdy atyp tastaǧan İgor Dujnov 10 kompaniia men jeke tūlǧalarǧa da qaryz bolyp şyqty, dep habarlaidy «Adyrna» tılşısı «KTK» arnasyna sılteme jasap.
Būrynǧy otbasylyq dosynyŋ aituynşa, Dujnov odan 35 myŋ euro alyp, on jyldan berı bermei zar qaqsatyp keledı. Endı bırı qolhatpen bergen 200 myŋ dollarymdy qaitarmady dep äleumettık jelıde şu köterdı. Tıptı bereşektı qaitarmaudyŋ amaly retınde odan ekı jyldai habar-oşar bolmaǧan. Söitse İgor Dujnov osy uaqytta Donbasstaǧy soǧysqa baryp keldım dep, jora-joldastaryna maqtanyşpen aityp jürıptı. Eger qasköidıŋ būl sözı ras bolsa, onda ol separatizm baby boiynşa da jauapqa tartyluy mümkın.
İgor Dujnovtyŋ otbasymen jurnalist Elena Vinokurova ūzaq jyldar boiy aralasqan eken. Bıraq äuletter arasyndaǧy jaqsy qarym-qatynasty qyruar aqşa būzypty. Iаǧni İgor Dujnov ärıptesımızdıŋ anasynan on jyl būryn 35 myŋ euro qolhatpen qaryz alǧan. Bıraq būl bereşektı Vinokurova älı künge deiın öndırıp ala almai jürgenın jetkızdı.
Al jurnalist Dias Nūraqyn facebook jelısındegı paraqşasynda jaŋa derektermen bölıstı.
“Aqbūlaqta 5 adamdy jairatyp tastaǧan "mergennıŋ" bızge beimälım suretı jariialandy. İgor Dujnov Donbastaǧy soǧysqa qatysty degen qaueset şyǧyp edı. Sol söz ras siiaqty. Oŋ jaqtan sanaǧanda bırınşı tūrǧan azamat Dujnovqa qatty ūqsaidy. Reseilık arnaiy qyzmet onyŋ Ukrainada soǧysta bolǧanyn, razvedgruppada qyzmet etkenın anyqtapty-mys. Karabinın qūşaqtap 2 jyl joǧalyp kettı dep jatyr edı»,– dep jazdy ol.İgor Dujnov qazır qamauda otyr. Ol apta basynda üiın bosatudy talap etken sot oryndauşy, ekı uchaskelık polisiia qyzmetkerı men taǧy ekı adamdy aŋşy myltyǧymen aulasynda jairatyp saldy. Qandy oqiǧaǧa qatysty ekı qylmystyq ıs qozǧalyp, tergeu amaldary jürgızılıp jatyr.
«Adyrna» ūlttyq portaly
