Onda aqynjandy Rauşan Ramazanqyzynyŋ jürek jardy öleŋ şumaqtary köpşılık nazaryna ūsynyldy
Qostanai oblystyq mümkındıgı şekteulı jandarǧa arnalǧan reabilitasiialyq ortalyqtyŋ kıtaphanasynda emdelıp jatqan jandardyŋ bırı Rauşan Abdrahmanovanyŋ özı şyǧarǧan öleŋderıne arnalǧan «Ümıt üzgım kelmeidı» dep atalǧan kezdesu keşı öttı.
Rauşan Ramazanqyzy būrynǧy Torǧai oblysy Qyzyl jūldyz degen jerde düniege kelgen. Bügınde Arqalyq qalasynda ǧūmyr keşıp jatyr. Ol 2013 jyly jüike jüie auruyna şaldyǧyp, Qostanai oblystyq auruhanasynda köp uaqyt em alady. Qaterlı jüike jüie auruynyŋ saldarynan Rauşan Ramazanqyzynyŋ bır qoly ikemge kelmei qalǧan. Bügın de ol osy dertıne jylyna 2 märte atalmyş reabilitasiialyq ortalyǧynda em qabyldap jür.
Biyl jaz aiynda osynda emdeluge kelgen Rauşan Abdrahmanova ortalyqtyŋ kıtaphanasyna jiı bassūǧyp, emdık şaralardan keiıngı bos uaqytynda kıtap oqumen ainalysady. Söitıp, osy mekemenıŋ kıtaphanaşysy Kenjegül Mūratbekovaǧa özınıŋ öleŋ jazatyny jaiynda aitady.
-Apamyz maǧan özım öleŋ şyǧaratyn edım, dep bırneşe şumaqtaryn äkelıp bardı. Öleŋderı maǧan qatty ūnady. Keibıreulerıne köŋılım tolqyp, közıme jas aldym. Keiın būl kısınıŋ öleŋderın köpşılıkke tanystyrudy jön kördım. Rauşan apaǧa sızdıŋ öleŋderıŋızdı osynda jatqan jandarǧa tanystyru maqsatynda kezdesu ūiymdastyramyn degenımde ol kısı bırden kelısımın berdı,-deidı ortalyq kıtaphanaşysy Ken jegül Mūratbekova.Rauşan apamyzǧa aqyndyq äkesı Abdrahmannan daryǧan eken. Äkesı auylda mal şaruaşylyǧymen ainalysqan qarapaiym kısı. Kündelıktı jūmystan qoly bosasa boldy kıtabyn alyp, oquǧa kırısedı eken. Äkesınıŋ kıtapqūmarlyǧyn kışkentaiynan körıp ösken Rauşan apamyz da kıtapqa jany qūmar bolyp qalyptasady. Bıraq jastaiynan öleŋ jazbaǧan eken. 2013 jyly qatty nauqastan oblystyq auruhanada bıraz uaqyt jatyp qalady. Osy kezderı auruhanada qol-aiaǧy joq mügedek balamen körşıles bölmede jatady. Kündelıktı anasy tamaqtandyryp otyratyn balanyŋ beinesı būl kısıge erekşe äser qaldyrǧan bolar, osy balaǧa arnap «Mügedek» degen öleŋ jazady. Sodan berı Rauşan apamyzdyŋ jüregın jaryp şyqqan öleŋder sany arta beredı. Bügınde onyŋ 20-dan astam «Anama», «Arbadaǧy aru», «Armanda qalmaiyn», «Bız adambyz» dep atalatyn öleŋderı bar. Mümkındıgı şekteulı jandarǧa arnalǧan reabilitasiialyq ortalyqta ūiymdastyrylǧan keşke Rauşan Ramazanqyzynyŋ qūrby-qūrdastary qatysyp, özderınıŋ jüregıne jaqyn öleŋderdı köpşılık nazaryna ūsyndy. Solardyŋ bırı Qostanai qalasynyŋ tūrǧyny Bahytjamal Dosbolova. Ol kısı aqynjandy qūrbysynyŋ «Meşıt sal, bai bolsaŋ» degen öleŋın köpşılıktıŋ jüregıne jetkıze bıldı. Sonymen qatar şara barysynda oblystyq, respublikalyq baiqaulardyŋ jeŋımpazy, änşı Dinara Namiialy äsem ännen şaşu şaşty. Keş soŋynda osynau ortalyqta em alyp jatqan jandardyŋ bırı Jıtıqara audanynan kelgen Maira Müsırepova qūrbysy Rauşan Ramazanqyzynyŋ öleŋ joldarynyŋ maǧynasy tereŋ, ūiqasy kelısımdı ekenıne toqtala kele, bolaşaqta osy öleŋderın jinaq retın kıtap qylyp şyǧaruyna tılektestık bıldırdı. Qalamyzdyŋ tıptı elımızdıŋ kez-kelgen kıtaphanasynda tūratyn tuyndy bolsyn degen aq jarma tlegın bıldırdı.
-Men bala kezden kıtap oqudy janym süietın. Qazırde bos uaqytymdy kıtap oqumen ötkızemın. Äkem de kıtapqūmar jan. Ol kısınıŋ de öleŋ jazatyn qasietı bar. Sol qasiet maǧan da berılgen eken. Janym qinalyp, köp jyl auyrǧan kezderı öleŋ kökeiıme keldı de tūrdy. Söitıp oiyma oralǧan şumaqtardy qaǧaz betıne tüsıre bastadym. Öleŋ şyǧaratynymdy otbasym jaqsy bıledı. Jaŋadan şyǧarǧan öleŋ şumaqtarymdy asyǧa kütıp otyrady. Bırınşı kezekte solarǧa oquǧa beremın,-deidı Rauşan Abdrahmanova.Bügınde oǧan boiyna bıtken asyl qasiet basyna tüsken aurt dertpen küresuge küş beredı. Aqynjandy apamyzdyŋ jüzı jarqyn. Eş qiyndyqqa moiymai, otbasynyŋ qoldauyn körıp otyrǧanyna quanady. Otaǧasy Tölegen de jarynyŋ auyr dertke şaldyqqan sätınde ünemı qasynan tabylyp qoldau körsetıp keledı. Qyzdary Maqpal men Qymbat anasynyŋ qolǧanaty. Al ūly Abzal bolsa, anasyna ärdaiym qorǧan boluǧa tyrysady. Kışkentai nemeresı Janserık bolsa, äjesınıŋ qanaty, köz quanyşy. Mümkındıgı şekteulı jandarǧa arnalǧan reabilitasiialyq ortalyqta em alyp, jaqyn arada üiıne attanǧaly otyrǧan apamyz Rauşannyŋ bolaşaqta öleŋ jinaqtaryn kıtap qylyp şyǧarsam, ony kıtaphanalarǧa berıp, jergılıktı tūrǧyndardyŋ nazaryna ūsynsam degen armany bar. Aramyzdan osyndai arman jetegınde jürgen janǧa demeuşılık etemın, bır kısıge quanyş syilaimyn deitın jomart jan tabylyp jatsa nūr üstıne nūr bolar edı.
Aiagöz KÄKIMJANOVA
