Qostanai oblysyndaǧy «Don Mar» zauytynyŋ önımı şarualardyŋ talaby men üdesınen şyǧyp keledı. Käsıporyn soŋǧy jyldary auyl şaruaşylyǧyna qajettı qūral-jabdyqtardyŋ öndırısın ekı ese arttyrdy. Otandyq kombain destelegışterı Qazaqstanda ǧana emes, Reseide de zor sūranysqa ie.
Lisakov qalasynyŋ önımı körşı eldıŋ bırneşe aimaǧyna jıberıledı. Metall kesuşı Erbolat Myrzaqaevtyŋ «Don Mar» kompaniiasyna kelgenıne biyl on jyl toldy. Şeber sehtaǧy barlyq qūrylǧyny bes sausaǧyndai bıledı. Metall qiiu stanogynda bır auysymda 80-ge juyq bölşek şyǧarady.
Erbolat Mūrzaqaev, metall kesuşı:
– Öndırıste jūmystyŋ oŋai türı bolmaidy. Temır köterıp şarşaisyŋ. Bıraq jalaqysy laiyq. Ūjymymyz öte eŋbekqor. Osy on jyl ışınde bılgen-tüigenımdı jastarǧa üiretuden jalyqpadym. Tolyq sikldy kombain destelegışıne qajettı keibır ūsaq bölşekter syrttan alynsa, qalǧan bölıgı osy zauytta jasalady. Qazır bır agregattyŋ otandyq ülesı 65 prosentke jetken. Öndırıs ornynda 180 adam eŋbek etedı. Jūmys toqtausyz bes uchaskede ötedı.
Sergei Bopp, seh bastyǧy:
–Künıne tört destelegış şyǧaramyz. Enı 16 metrge deiın jetedı. Oǧan qosa tırkeme de bolady. Niu Holland, Djon Dir siiaqty kombaindarǧa da destelegışterdı arnaiy tapsyryspen jasai alamyz.
«Don Mar» zauyty 20 jyldan astam būryn qūryldy. Şyǧarylatyn önımı zamanaui. Baǧasy da qoljetımdı. Käsıporyn ıske qosylǧaly bes myŋnan artyq kombain oraǧy qūrastyryldy. Jaramdylyq merzımı ūzaq, sapasy joǧary bolǧandyqtan alǧaşqy jasalǧan destelegışterdıŋ keibırı älı künge deiın alqaptarda paidalanylady.
Iýliia Strigina, «Don Mar» JŞS direktory:
–Bızdıŋ önımdı elımızdıŋ barlyq aimaqtary tūtynady. Reseilıkter tarapynan da qyzyǧuşylyq joǧary. Sonyŋ ışınde Saratov, Samara, Orynbor, Barnaul, Omby qalalarynan köptep tapsyrys tüsedı. Qyrküiek aiynda elordada maşina jasauşylar odaǧynyŋ kezektı forumy ötedı. Jiynǧa «Don Mar» kompaniiasynyŋ ökılderı de şaqyrtu alǧan. Onda sala ökılderı özara täjıribe almasyp, aldaǧy jūmys josparyn belgıleidı.
Avtorlary: Daniiar Sūltanūly, Ermek Mūhamediiarov
