Keiıngı 3 jylda Qostanai oblysynda sport keşenderınıŋ sany 3 myŋǧa juyqtady. Nätijesınde öŋır tūrǧyndarynyŋ 34 prosentke juyǧy būqaralyq sportpen qamtyldy.
Oblys äkımı Arhimed Mūhambetov sport ardagerlerımen bırge jaŋadan salynǧan nysandardy aralady.
Öŋırdegı sport ardagerlerı men qoǧam belsendılerı äuelı bolaşaq bylǧary qolǧap şeberlerın şynyqtyru mektebıne bardy. Jaŋa nysan barlyq talaptarǧa sai jasaqtalǧan. Al 2500 körermenge arnalǧan Mūz saraiynyŋ qūrylysy biyl aiaqtalmaq. Sondai-aq Qostanai qalasynda jaŋadan boi kötergen şaǧyn audandardyŋ maŋynan bırneşe sport nysandary salynǧan. Soltüstık-batys yqşam audanyndaǧy 50 metrlık basseinnıŋ de qūrylysy biyl bıtıp, tūrǧyndar igılıgıne berılmek.
Nūrjan Ermaǧambetov, «Q.Ospanov atyndaǧy №1 balalar-jasöspırımder sport mektebı» KMM basşysy:
– 50 metrlık bassein 10 jolaqtan tūrady. Sondai-aq körermender üşın 300 oryndyq jasaqtalǧan. Qūrylys alaŋy 3700 şarşy metrden asady. Būl olimpiadalyq standarttarǧa säikes keledı. Iske qosylǧannan keiın bassein saǧatyna 100 adamdy qabyldai alady. Odan bölek mūnda jattyǧu zaly da jūmys ıstemek. Öŋırde 32 balalar men jasöspırımder sport mektebı jäne 29 aula kluby jūmys ısteidı. Jalpy, sport seksiialarynda 70 myŋnan astam oquşy jattyǧady, onyŋ 64 prosentı tegın şūǧyldana alady. Sonymen qatar qalanyŋ jaŋa şaǧyn audandary jattyǧu alaŋdarymen qamtamasyz etılgen. Qazır öŋırdegı jasandy jabyndysy bar 85 sport alaŋynyŋ bar bolsa, onyŋ teŋ jartysy auyldy jerlerde ornalasqan.
Arhimed Mūhambetov, oblys äkımı:
– Bızdıŋ negızgı maqsatymyz – jyl saiyn būqaralyq sportty damytyp, tūrǧyndardyŋ salauatty ömır saltyn ūstanuyna jaǧdai jasau. Bügınde 9 myŋǧa juyq sport seksiiasynyŋ jūmysy ūiymdastyryldy. Oblystyŋ 150 myŋnan astam tūrǧyny şūǧyldanady. Onyŋ ışınde auyldyq jerlerde 80 myŋdai adamdy qamti otyryp 5 myŋ sport seksiiasy qūryldy.
Memleket basşysynyŋ tapsyrmasy boiynşa, biyl oblysta memlekettık sporttyq tapsyrys jüzege asyp jatyr. Osynyŋ arqasynda 2 myŋnan astam bala tegın sporttyq sabaqtarmen qamtamasyz etıledı. 2025 jylǧa qarai oblys tūrǧyndarynyŋ kemınde 45%-ın sportpen qamtu josparlanyp otyr.
Avtorlary: Aslanbek Şyǧyr, Jandos Rahmetullin
