Bügınde qūrylys jūmystary jürıp jatyr.
Būl qūrylys 2023 jyldyŋ törtınşı toqsanynda aiaqtalyp, el igılıgıne berılmek. Irı jobany osy öŋırdıŋ tumasy öz qarjysyna salyp jatyr.
Amangeldı auylyndaǧy turistık ortalyq jūrtty nesımen qyzyqtyrady?
Talǧatbek Äbdıqoja, tılşı:
- Turistık keşen Amangeldı auylynyŋ ırgesınde, eldıŋ ortalyǧy men batysyn jalǧaitan tas joldyŋ boiynda salynyp jatyr. Aumaǧy – jetı gektar. Keşen ışınde jalpy sany 12 nysan boi köteredı. Ärqaisynyŋ özındık erekşelıgı bar. Olar älemnıŋ jetı keremetıne kıretın ärı tarihi maŋyzy zor nysandardyŋ köşırme ülgısı retınde salynady.
Sapar Ysqaqov, «Babalar ızımen» ǧylymi ekspedisiiasynyŋ jetekşısı:
- Eŋ törınde tūrǧan – Täjmahal. Būl Ündıstanda bar. Bız ony üş ese azaityp aldyq. Ündıstanda onyŋ biıktıgı 75 metr bolatyn bolsa, mūnda 25 metr. Odan basqa, İspaniiada, Braziliiada, Europa, Aziia elderınde kezdesetın ülken ǧimarattardyŋ köşırmelerı. Saqtardyŋ saunasy bar. Onda bız şet elden keletın turisterdı tartu üşın ıstep otyrmyz. Öitkenı saqtardyŋ saunasy düniejüzındegı elderde kezdese bermeidı. Onyŋ janyna bız kiız üi tıgıp otyrmyz.
Keşen aumaǧynda qyzǧaldaq ülgısındegı mūrajai, egipettegı piramida, maia taipalarynan qalǧan Chichen-İsa ülgısınde memorial, su būrqaqtar men basseinder salynady. Sondai-aq japon, aǧylşyn jäne qazaq baǧyn ösıru josparlanǧan.
Talǧatbek Äbdıqoja, tılşı:
- Turistık keşende boi kötergen nysandardyŋ bırı – myna estelık qabyrǧa. Ūzyndyǧy 35, biıktıgı 3 m 80 sm. Joba boiynşa mūnda el üşın eŋbek etken tarihi tanymal tūlǧalarymyz ben özge elderde bilık qūryp sol jerde jerlengen babalarymyzdyŋ qabır basynan bır uys topyraq alyp kelıp, arnaiy saqtalady. Olar turaly aqparattar jazylady. Būl köpşılık täu etuge kelıp, Qūran baǧyştaityn orynǧa ainalady.
Karantinge bailanysty keşendı salyp jatqan qūrylysşylar sany köp emes. 20-30 adam ǧana jūmys ıstep jür. Barlyǧy osy auyldyŋ tūrǧyny. Qūrylysşylar künı qarsaŋynda audan äkımdıgınıŋ ökılderı men özge öŋırlerden kelgen käsıpkerler qūrylys aumaǧyna arnaiy baryp, jūmys barysymen tanysty.
Talǧat Qarbozov, Amangeldı audanynyŋ äkımı:
- Būl jalǧyz audannyŋ ǧana emes, oblystyŋ, jalpy Qazaqstannyŋ turizm salasyn damytuǧa bırden-bır septıgın tigızetın joba. Biylǧy jyly ekı-üş nysan aiaqtaluǧa jaqyn. Būl ärine, audanymyzdyŋ turizm salasyn damytuǧa, jaŋa jūmys oryndaryn aşuǧa, jergılıktı biudjetke salyq tüsımderınıŋ köbeiuıne bırden-bır septıgın tigızedı. Halyq osy jobany qazır kütude. Jergılıktı atqaruşy organ tarapyn qajettı jūmystardy bırlesıp jasap jatyrmyz. Joba ıske asqan jaǧdaida odan da köp jūmys oryndary aşylady. Öitkenı är sauda nüktelerıne, är oiyn alaŋdaryna qajettı jūmyskerlerdıŋ bärı osy jergılıktı adamdarmen qamtylady dep kütılude.
Keşen öŋırdıŋ turizm salasyn damytyp, audannyŋ äleumettık-ekonomikalyq jaǧdaiyn jaqsartatyny belgılı. Sonymen qatar būl jer jastardyŋ tarihqa degen qyzyǧuşylyǧyn oiatyp, patriottyq tärbie beretın orynǧa ainaluy mümkın.
Sūltanbek Täşkenbai, käsıpker:
- Öskeleŋ ūrpaq üşın patriottyq sezım tudyratyn nysan dep oilaimyn. Sebebı düniejüzınde jatqan 200 adamnyŋ topyraǧyn osy jerge äkelıp osy jerde jasap, sonyŋ ömırbaianyn jazyp qoiu degen ol bızdıŋ mekteptegı tarihymyzda, basqalarynda däl olai aitylmaǧan. Jastar ony oqyǧannan keiın bızdıŋ babalarymyz bolǧan eken osyndai dep solardy bılse, bızdıŋ jastarymyzǧa ülken tärbielık mänı bar.
Keşende turisterdıŋ tynyǧuyna arnalǧan qonaq üi, tamaqtanu oryndary da salynady. Qūrylys sättı aiaqtalsa, būl är tasy tarihqa toly Torǧai öŋırıne turisterdı köptep tartuǧa jäne köne örkeniettıŋ ızı sanalatyn geoglifterdıŋ qūpiiasyn aşyp, nasihattauǧa septıgın tigızbek.
Avtorlary: Talǧatbek Äbdıqoja, Quanyş Qojabekov
