Elordada Akademiialyq adaldyq ligasynyŋ Jalpy jinalysy öttı. Qauymdastyqtyŋ qūramyna elımızdıŋ 11 joǧary oqu orny kıredı.
Jiyn barysynda M.S. Närıkbaev atyndaǧy KAZGIýU Universitetı Basqarma töraǧasynyŋ orynbasary Erbolat Mūhamedjan bırauyzdan Akademiialyq adaldyq ligasy Keŋesınıŋ töraǧasy bolyp sailandy.
Kezdesude jaŋa basşy Liganyŋ damuyna qatysty közqarasyn bıldırdı: «Menıŋ oiymşa, Akademiialyq adaldyq ligasy tek akademiialyq sapasy joǧary jäne kez kelgen akademiialyq ädıletsızdıkke jol bermeitın universitettermen ǧana bailanysty boluy kerek. Liga QR Bılım jäne ǧylym ministrlıgınıŋ sapasyz joǧary oqu oryndaryn jabu men sūranysqa ie emes mamandyqtardyŋ lisenziiasyn qaitaru boiynşa qazırgı saiasatyn qoldaidy».
Keŋes töraǧasy joǧary bılım salasyndaǧy mäselelerge qoǧamnyŋ nazaryn audaru üşın bar küşın salyp, media salasyndaǧy käsıbi täjıribesın barynşa paidalanatynyn aitty. Sondai-aq Akademiialyq adaldyq ligasyn joǧary bılım salasyndaǧy kez kelgen özgerıske daiyn brend retınde qalyptastyratynyn mälımdedı.
Osy uaqytqa deiın Erbolat Mūhamedjan «Atameken TV» arnasy bas prodiuserınıŋ orynbasary, QR Bılım jäne ǧylym ministrınıŋ keŋesşısı jäne QR BǦM «Aqparattyq-taldau ortalyǧy» AQ-nyŋ basqaruşy direktory qyzmetterın atqarǧan.
Anyqtama. Akademiialyq adaldyq ligasy – Qazaqstan Respublikasy joǧary oqu oryndarynyŋ qauymdastyǧy. Liganyŋ basty maqsaty – akademiialyq adaldyq qaǧidattaryn alǧa qoiu arqyly joǧary jäne joǧary oqu ornynan keiıngı bılım sapasyn arttyru. Qauymdastyq 2018 jyly AQŞ-tyŋ jekemenşık universitetterı müşelık etetın tanymal «Liga Pliuşa - The Ivy League» ülgısı boiynşa qūrylǧan bolatyn.
Akademiialyq adaldyq ligasynyŋ baspasöz qyzmetı
