Oblys ákim Nurlan Noǵaevqa kommýnaldyq bazar men kóterme-taratý ortalyǵynyń qurylys jobalary tanystyryldy. Jergilikti aýyl sharýashylyǵy ónimin óndirýshilerine tegin saýda oryndary usynylady, bul óz kezeginde tutynýshylar úshin baǵany turaqtandyrýǵa oń áser etedi, dep habarlaıdy "Adyrna" ulttyq portaly Mańǵystaý oblysy ákiminiń baspasóz qyzmetine silteme jasap.
22 qyrkúıekte Mańǵystaý oblysyna kelgen saparynda Prezıdent Qasym-Jomart Toqaev óńirdiń áleýmettik-ekonomıkalyq damýy jónindegi jıynda ınflıaııa deńgeıiniń joǵary ekenin, munyń azyq-túlik taýarlary baǵasynyń tez ósýine áser etip jatqanyn atap ótken edi.
-Azyq-túliktiń 80 paıyzǵa jýyǵy ımporttalady. Osy rette, 50 myń tonna kókónis syıatyn qoımalardyń tapshylyǵy baıqalady. Bul elimiz boıynsha eń joǵary kórsetkish. Atalǵan máseleni mańyzdylyǵyna qaraı sheshý qajet. Ol úshin tıisti mehanızmder bar. Osyǵan qatysty Úkimet Kókónis qoımalarynyń qurylysy jónindegi jol kartasyn ázirledi. Azyq-túlik baǵasynyń qymbattaýyn toqtatý úshin aýyl sharýashylyǵy ónimderine tolyq qol jetimdi ári retke keltirilgen saýda alańdaryn ashý kerek. Ákimdikke Aqtaý qalasynda kommýnaldy jáne kóterme bazarlardy salýdy tapsyramyn, – dedi Memleket basshysy.
Jumys bastalyp ketti. Nurlan Noǵaevqa jeke ınvestorlar esebinen Aqtaý qalasynyń 36 shaǵyn aýdanynda salynatyn «Aqtaý Avto qoıma» JShS jáne «Aqtaý Or» JShS-niń jobalary tanystyryldy.
«Aqtaý Avto qoıma» JShS jobasy satý jáne taýar saqtaıtyn qoımasy bar eki fýnkıonaldyq aımaqtan turady. Jer teliminiń jalpy aýdany - 15 ga, onyń ishinde kommýnaldyq saýda bazarynyń aýdany 9-10 ga quraıdy.
Sonymen qatar, 2 myń sharshy metr aýmaqta pavılondar salynady, onda fermerler óz ónimderin deldalsyz jáne jalǵa alý tólemdersiz sata alady, bul óz kezeginde tutynýshylar úshin baǵany qalyptastyrýǵa oń áser etedi.
Saýda jáne qoıma kólemi 20 000 sharshy metr bolady. Jalǵa alýshylar sany - 500 adam. Jobaǵa salynǵan ınvestıııa quny 1,5 mlrd. teńgeni quraıdy. Budan basqa, bazar aýmaǵynda avtomobılderge jáne qalalyq qoǵamdyq kólikterge arnalǵan 750 oryndyq avtobeket jumys isteıtin bolady. Sondaı-aq, bir mezette 500 adam syıatyn jolaýshylar termınaly ornalaspaq.
Kóterme saýda ortalyǵy bólshek saýda bazarlary, dúkender, meıramhanalar jáne basqa da bıznes sýbektileri úshin azyq-túlik taýarlarynyń kóterme saýdasyn uıymdastyrady. Osylaısha, deldaldy alyp tastap, jergilikti óndirýshilerdiń ónimin kepildi ótkizýdiń arqasynda azyq-túlik taýarlarynyń baǵasy tómendeıdi dep kútilýde. Jobaǵa salynǵan ınvestıııa quny 1,8 mlrd teńgeni quraıdy. Jer ýchaskesiniń jalpy aýdany – 12 ga. Jalǵa alýshylar sany, atap aıtqanda iri jáne orta kóterme saýdagerler sany 300 adam. Kásipkerlerge yńǵaıly bolý úshin tońazytqysh, qoımalar qyzmeti usynylady.
Atalǵan jobalar 2023 jyly iske qosylady dep josparlanýda.
Nurlan Noǵaev júrgizilip jatqan jumysqa oń baǵa berdi, sondaı-aq azyq-túlik naryǵyndaǵy baǵany turaqtandyrý boıynsha jumysqa iri kásipkerlerdi tartý qajettigin atap ótti. Óńir basshysy memlekettik organdar men kásipkerlik sýbektileriniń júıeli jumysy óńir ekonomıkasyna oń áserin tıgizetinin atap ótti.
"Adyrna" ulttyq portaly.
