Bügınde qazaqstandyqtardyŋ Türkiiada tegın bılım aluyna barlyq jaǧdai jasalǧan. Būl memlekettıŋ joǧary bılım beru jüiesı bekıtılgen standarttarǧa tolyq säikes keledı. El aumaǧynda 200-den astam joǧary oqu orny bar, onyŋ 130-y memlekettık. 9 türık universitetı älemnıŋ üzdık joǧary oqu oryndarynyŋ reitingıne kıredı. Oqu jyly Qazaqstandaǧydai ekı semestrge bölınedı.
Türkiiada oqudyŋ negızgı artyqşylyqtary
1. Oqu baǧasy qoljetımdı. Türkiianyŋ köptegen universitetı şeteldıkterge türlı jeŋıldıkterdı ūsynady. Mysaly, sız türık tılınde joǧary bılım alsaŋyz häm belsendı student atansaŋyz, granttar men stipendiialardy ūtyp alu mümkındıgıne ie bolasyz. Memlekettık joǧary oqu oryndarynda türık tılınde oqu jylyna $240-750, aǧylşyn tılınde oqu $450-1 500, jeke joǧary oqu oryndarynda oqu $1 000 bastalady. 2. Sapaly bılım. Türkiianyŋ barlyq joǧary oqu orny qazırgı zamanǧy europalyq bılım beru standarttaryna säikes keledı. Sondai-aq būl el studentterıne şetelde baǧalanatyn diplomdardy tabystaidy. 3. Qazaqstan men Türkiia mädenietınıŋ ūqsastyǧy. Būl beiımdelu prosesın jeŋıldetıp, studentterdıŋ jergılıktı halyqpen oŋai, tez jäne tiımdı qarym-qatynas jasauyna, jaŋa tanystar men ıskerlık bailanystar ornatuynaseptıgın tigızedı. 4. Qazaqstannan kelgen studentter üşın qūjattardy qabyldaudyŋ jeŋıldetılgen prosesı. Türkiianyŋ bırşama JOO-sy qazaqstandyq attestattar men diplomdardy nostrifikasiialaudy talap etpeidı. Ol qūjattardy tapsyru prosesın aitarlyqtai jeŋıldetedı jäne tiısınşe studentterdıŋ oquǧa tüsu paiyzyn arttyrady.Oqu merzımı
Türkiiadaǧy oqu baǧdarlamalary mynadai türde jalǧasady: 1) Bakalavriat mamandyqqa bailanysty 3-4 jylǧa sozylady; 2) Magistraturada oqu 2 jyldy qūraidy; 3) PhD doktorantura 2 jyldan 4 jylǧa deiın sozylady. Studentter jylyna ekı ret demalysqa şyǧady.Türkiia qazaqstandyqtar üşın qandai stipendiialar men bılım granttaryn ūsynady?
«Türkiye Bursları» baǧdarlamasy Türkiye Bursları – būl Türkiia ükımetınıŋ bıregei stipendiialyq baǧdarlamasy. Ol şeteldık studentterge eldegı universitetterdıŋ bırınde tegın bılım aluǧa mümkındık beredı. Baǧdarlamanyŋ aitarlyqtai qiyn talaby joq. Qūjattaryŋyzdy onlain türde ötkızıp, ötınıştı sait arqyly toltyrasyz. Sondai-aq talapkerge türık nemese aǧylşyn tılın bılu mındettelmeidı. Şeteldık studentter bır jyl boiy tıl jetıldıru kurstaryna qatysa alady. Al eger tıldı jaqsy meŋgergen bolsaŋyz, oqudy bırden bastap kete alasyz. Grant oqu aqysyn, ai saiynǧy stipendiiany, medisinalyq saqtandyrudy, tegın jataqhana men ekı mezgıl tamaqty qamtamyz etedı. Stipendiiaǧa arnalǧan konkursqa kem degende tolyq orta bılımı bar kez kelgen qazaqstandyq qatysa alady. Ötınıştı 21 jasqa deiıngı (bakalavriatqa tüsu üşın) nemese 30 jasqa deiıngı (magistraturaǧa tüsu üşın) azamattar bere alady. Ötınım beruşı saitqa mynadai qūjattardy jüktep, jıberuı tiıs: – tölqūjat köşırmesı; – pasport formatyndaǧy fotosuret; – orta bılım turaly attestattyŋ köşırmesı; – transkript baǧalary; – diplomdar men sertifikattardyŋ köşırmelerı (bolǧan jaǧdaida); Ai saiynǧy tölenetın şäkırtaqy mölşerı: Bakalavr — 700 türık lirasy (1 türık lirasy - 47,91 teŋge); Magistratura — 950 türık lirasy; Doktorantura — 1400 türık lirasy.«Mevlana» almasu baǧdarlamasy
Türkiiadaǧy bılım beru salasyndaǧy basty baǧdarlamalardyŋ bırı – «Mevlana». Onyŋ basty maqsaty - türık joǧary oqu oryndarynyŋ jäne basqa elderdıŋ joǧary oqu oryndarynyŋ qyzmetkerlerı men studentterı arasynda akademiialyq almasu. Qazaqstandyqtar kem degende 1 semestr (4 ai) tegın oqi alady. Konkursqa qatysu üşın bakalavr studentterınıŋ GPA ortaşa baly 2,5-4 arasynda boluy qajet. Al magistratura men doktoranturaǧa GPA ortaşa baly 3-ten asqandar ötınış bere alady. Ötınıştı sait arqyly toltyrasyz."Halyqaralyq baǧdarlamalar ortalyǧy"AQ serıktesterınıŋ stipendiialary
Soŋǧy jyldary "Halyqaralyq baǧdarlamalar ortalyǧy" AQ bırqatar bedeldı türık universitetımen qazaqstandyq studentterge qosymşa stipendiialar men granttar beru turaly kelısım jasasty.Mysaly, Sabanji türık universitetı qazaqstandyqtarǧa bakalavriat, magistratura nemese doktoranturada oqu qūnynyŋ 25%, 50%, 75% nemese 100% qamtityn stipendiialardy ūsynady. Stipendiia konkursyna qatysu üşın tömendegıdei qūjattar qajet: – ötınım; – tölqūjat köşırmesı; – orta bılım turaly attestattyŋ köşırmesı: – transkript baǧalary; – SAT emtihan nätijelerınıŋ köşırmesı."Bolaşaq" baǧdarlamasy
"Bolaşaq" baǧdarlamasy - Türkiiada tegın bılım aludyŋ taǧy bır mümkındıgı. Ol şeteldık jetekşı universitetterdıŋ magistraturasy men doktoranturasynda oquǧa mümkındık syilaidy. Stipendiia baiqauyna qatysu üşın student basym mamandyqtardyŋ bırın taŋdap, qajettı qūjattardy tapsyruy qajet. Aǧylşyn tılın jetık bılu maŋyzdy. Kelısım-şartqa säikes, tülekter mındettı türde Qazaqstanǧa oralyp, keibırı üş jyl, endı bırı bes jyl mamandyǧy boiynşa jūmys ısteuı tiıs. Ökınışke qarai, şeteldık studentter oqu kezındememlekettık nemese jeke mekemelerde resmi jūmysqa ornalasa almaidy. Alaida, türık universitetterı bılım aluşylaryna kafedra men kıtaphanalarda jūmys ısteuge nemese kampusta ǧylymi qyzmetpen ainalysuǧa mümkındık beredı.Diana ASAN,
«Adyrna» ūlttyq portaly
