2021 jyly qazan aiynyŋ 1 künı Nūr-Sūltan qalasyndaǧy «Qazmedia ortalyǧynyŋ» Kinokonsert zalynda Qazaq radiosynyŋ 100 jyldyǧyna arnalǧan saltanatty jiyn boldy, de habarlaidy QazAqparat.
Şara tiıstı karantin talaptaryna sai jäne teletüsırılım formatynda öttı. Jiynda Qazaqstan Respublikasynyŋ Tūŋǧyş Prezidentı – Elbasy N.Ä.Nazarbaevtyŋ jäne Memleket basşysy Q.K.Toqaevtyŋ qūttyqtau hattary oqyldy.
Aita ketu kerek, biyl Memleket basşysynyŋ bastamasymen Qazaq radiosy qūrylǧan 1 qazan «Radio künı» datasy retınde belgılenıp, bügın alǧaş ret atap ötılude. Qazaq radiosy ūjymyn qūttyqtau hatynda Elbasy halqymyzdyŋ talaily tarihy men şejıresı efirde qamtylyp, aumaly-tökpelı kezeŋderde el ömırındegı maŋyzdy oqiǧalar jūrtşylyqqa jedel jetkızılgenın erekşe atap öttı.
«Bır ǧasyr ışınde osy qaraşaŋyraqta eŋbek etken maitalman jurnalister men körnektı qairatkerler köpşılıktıŋ ystyq yqylasyna bölenıp, öşpes ız qaldyrdy. Äue tolqynynda köptegen baǧdarlamalar töl mädenietımızdı nasihattauǧa, ana tılımızdı därıpteuge, ūlt sanasyn jaŋǧyrtuǧa ölşeusız üles qosyp, qazaq ruhaniiatynyŋ altyn qoryn qalyptastyrdy.
Qazırgı taŋda Qazaq radiosy elımızdegı zaman talabyna sai damyǧan ırgelı aqparat qūralynyŋ bırı de bıregeiı. Radio aldaǧy uaqytta da jaqsylyqtyŋ jarşysy bolyp, talǧamy biık tyŋdarman qauymdy tanymdyq habarlarmen, taǧylymdy baǧdarlamalarmen quanta beredı dep senemın», - delıngen Elbasy qūttyqtauynda. Qazaqstan Respublikasynyŋ Prezidentı Q.K.Toqaevtyŋ qūttyqtauynda
«Qazaq radiosynyŋ jylnamasy - halqymyzdyŋ 100 jylda jürıp ötken jolynyŋ ainasy. Radio alǧaş qūrylǧan künnen bastap el müddesıne qyzmet etıp keledı. Qazır de Täuelsızdıktıŋ qadır-qasietı men ūlttyq qūndylyqtardy jastardyŋ sanasyna sıŋıruge sübelı üles qosuda. Täuelsızdıgımızdıŋ 30 jyldyǧyna tūspa-tūs kelgen bügıngı mereitoidyŋ oryn bölek. Biyldan bastap 1-şı qazan «Radio künı» bolyp bekıtıldı. Mūnyŋ özı būl salanyŋ aqparat aidynyndaǧy rölı erekşe ekenın aŋǧartady. Qazaq radiosy keleşekte de maǧynaly ärı mazmūndy habarlarymen ūlttyŋ jadyn jaŋǧyrtyp, memleketımızdı nyǧaituǧa at salysa beredı dep senemın», - delıngen.Saltanatty jiynda QR Aqparat jäne qoǧamdyq damu ministrı A. Ǧ. Balaeva Qazaq radiosyn mereitoiymen qūttyqtai kele, onyŋ taralym aumaǧyn keŋeitu maqsatynda şekara maŋyndaǧy aumaqtarda radiohabar taratudyŋ memlekettık jelısın damytu jönındegı 2022-2025 jyldarǧa arnalǧan jol kartasy qabyldanyp, konkurs negızınde Qazaq radiosyna 107 radiojiılık spektrı bölıngenın aitty. Onyŋ naqty mysaly retınde jiyn barysynda ŞQO, Tarbaǧatai audany, Kökjyra eldı mekenınde jaŋa radiojiılık ıske qosyldy. Şara barysynda Nūr-Sūltan jäne Almaty qalalaryndaǧy Qazaq radiosynyŋ studiialarynan sahnaǧa tıkelei qosylym jasaldy. Merekelık keşte beinematerialdar men muzykalyq nömırler qoiyldy. Qazaq radiosynyŋ «Altyn qorynda» saqtalǧan B. Momyşūly, Q. Qaisenov, M. Äuezov, A. Jūbanovtyŋ üntaspaǧa jazylǧan sūhbattarynan üzındıler berıldı. Saltanatty keş resmi bölım, «Bastau kezeŋı», «Damu däuırı», «Jaŋa beles» degen bölımderınen tūrdy. Är bölımde Qazaq radiosynyŋ tarihi hronologiiasy tanystyryldy. Merekelık şaraǧa ortalyq memlekettık organ basşylary, radio ardagerlerı men Qazaq radiosynyŋ ūjymy jäne QR Parlamentı Senaty men Mäjılısınıŋ deputattary, BAQ basşylary, qoǧam qairatkerlerı qatysty.
