Shymkentte úsh kitaphana zaman talabyna saı jasaqtaldy. Elorda kúninde oqyrmandar ıgiligine tapsyrylǵan nysandardy qala ákiminiń birinshi orynbasary Shyńǵys Muqan aralap kórdi. El táýelsizdiginiń 30 jyldyǵy qarsańynda «Balalar ádebıeti jyly» aıasynda modernızaııadan ótken nysandar aldaǵy ýaqytta tek kitap oqıtyn oryn ǵana emes túrli baǵyttaǵy ıgi sharalar ótetin ortalyqtarǵa aınalmaq.
Búginginiń balasyn arzanqol dúnıemen aldaýsyrata almaısyz. Ǵalamtordyń arqasynda álemniń ǵajaıyptary alaqandarynda. Oı-órisi ózgeshe damyp kele jatqan búldirshinderdi kitapqa baýlý da ońaı sharýa emes. Ol úshin eń aldymen kitaptyń qyzyqty bolýy azdyq etedi, kitaphana ǵımaraty da kóz tartarlyqtaı ásem bolýy tıis. Osyny eskergen bılik ókilderi bıylǵy jyly kitaphanalardyń jaǵdaıyna erekshe den qoıa bastady. Bul Shymkenttegi ortalyqtandyrylǵan balalar kitaphanasy. Buryńǵy keıpi Keńes dáýirin eske salatyn. Al qazir jańa dızaındy sórelermen sándelip, zamanýı ústelder qoıylǵan. Qabyrǵalar da ásem jasaqtalǵan. Jańasha jasaqtalǵan rýhanı ortalyq qazirdiń ózinde ata-ana men balalardyń jıi keletin súıikti ornyna aınalyp úlgerdi. Jazǵy kanıkýlǵa shyqqan balalar kitappen dostasyp, ádebıet álemine saıahat jasaýda. Alda josparlar kóp. Keı qyzmetter aqyly bolǵan jaǵdaıda rýhanı ortalyqtyń sáni men sáýleti budan da aıshyqtala túsedi deıdi kitaphana basshylyǵy.
Gúlsim Shatyrbekova, Shymkent qalasy ortalyqtandyrylǵan kitaphana dırektory: 1/03-35 Aqyly qyzmetterdi iske qosamyz. Onyń qarajaty kátaphanyny jasaqtaýǵa jumsalady...
Elorda kúnine oraı Abaı atyndaǵy qalalyq ortalyqtandyrylǵan kópshilik kitaphanalar júıesiniń №8 jáne №11 fılıaldary da otbasylyq kitaphana retinde qaıta jasalyp, modernızaııalandy. Jańarǵan kitaphanalarda jańa oqý aımaqtary, kitap jáne oqyrmandar zaldary, «Art Community Space» zaldarynyń jańa jumys júıesi, kofehana jumys isteıdi.Modernızaııadan keıin jańa kitaphanalar tek kitap oqıtyn oryn ǵana emes, sonymen qatar oqyrmandar ózderiniń shyǵarmashylyq áleýetin iske asyratyn, demalyp, júzdesetin ortalyqtarǵa aınalady. Sonymen qatar, munda ártúrli sanattaǵy oqyrmandarǵa erkin úıirmeler uıymdastyrylady.
Shyńǵys Muqan, Shymkent qalasy ákiminiń birinshi orynbasary: Qazir adam kapıtalyn damytýǵa kóp kóńil bólinýde...
Aıta keteıik, bıyl Shymshaharda 10 kitaphanaǵa modernızaııa jumystaryn júrgizý josparlanǵan. Búgingi tańda mádenıet nysandaryn jańǵyrtý jumystarynyń birinshi kezeńi aıaqtaldy. II-kezeńde taǵy 4 kitaphana jelisin zaman talabyna saı jańǵyrtý kózdelip otyr.
