Şymkenttegı «Oŋtüstık» industrialdy aimaǧynda teŋdesı joq bıregei önım poliprolpilen paraqtary şyǧarylady. Odan ärtürlı sūiyqtyqtardy saqtauǧa arnalǧan ülken kölemdı sisternalar, basseinder men akvaparkterdegı syrǧanaqtar jasalady.
«IýgRegionPlast» JŞS zauyty «Biznestıŋ jol kartasy-2020» jäne «İndustriialandyru kartasy» baǧdarlamalarynyŋ aiasynda qolǧa alynyp. Negızı 2011 jyly qalanyp, bügınde qarqyndy jūmys ıstep keledı. Alǧaşqy önımın 2013 jyly şyǧarǧan. Jyldyq quattylyǧy 64 myŋ şarşy metr. Öndırıs oşaǧyndaǧy tehnikalardyŋ barlyǧy şeteldık. Arnaiy tapsyryspen Qytaidan äkelıngen. Bır quanarlyǧy käsıporyndaǧy qondyrǧylarda jergılıktı halyq eŋbek etedı. Barlyǧy zamanaui qūrylyǧylardyŋ tılın jetık meŋgerıp alǧan. Qazırgı taŋda zauytta 30 adam tūraqty jūmyspen qamtylǧan.
Sanjar Bauyrjan – «IýgRegionPlast» zauyty direktorynyŋ orynbasary
Aityp öteiık, tauarǧa sūranys köbınese şet memleketterden tüsedı. Onyŋ ışınde Özbekstan, Qyrǧyzstan men Resei elderı bar. Al, özımızdıŋ öŋırlerden Pavlodar, Maŋǧystau qalalaryn plastikalyq önımdermen qamtamasyz etıp otyr. Zauyt basşysy aldaǧy uaqytta jyldyq quattylyǧyn arttyry, jūmys küşın köbeitude közdep otyr.
Serık Mahulbekov - «IýgRegion Plast» zauytynyŋ şeberı
Zauyt basşysynyŋ aituynşa, plastikalyq sisternalar tiımdı. Öitkenı, metaldan aiyrmaşylyǧy, olar tekserudı qajet etpeidı, tot baspaidy jäne qolaisyzdyqtar äkelmeidı. Zauyt öz önımderıne 50 jyldyq kepıldık beredı.Sondai-aq önımnıŋ plastikalyq bolǧanyna qaramastan, öndırıstıŋ tabiǧatqa ziiany joq körınedı. Sebebı, kompaniia şikızatty aqylmen paidalanady jäne öndırıs qaldyq qalmaidy.
Aidana Quanyşqyzy
