Bırınşı jartyjyldyqta Şymkent qalasynyŋ ekonomikasynda oŋ damu dinamikasy qamtamasyz etıldı. Onyŋ ışınde adami kapitaldyŋ sapasyn arttyruǧa basymdyq berıldı.Bügıngı taŋda Şymkent qalasynyŋ ärı qaraiǧy örkendeu baǧdary retınde 5 basymdyq aiqyndalǧan. Olar: adami kapitaldyŋ ösuı, infraqūrylymdyq damu, käsıpkerlıktı qoldau, tūrǧyn üi qūrylysyn jürgızu, «Şymkent – tūrǧyndarǧa qolaily qala» ideiasyn ıske asyru. Belgılengen basymdyqtar boiynşa 2025 jylǧa deiıngı kezeŋge arnalǧan salalyq baǧdarlamalar äzırlenıp, ıske asyryluda.
Adami kapitaldyŋ ösuı şeŋberınde Şymkent qalasyndaǧy bılım salasyndaǧy özektı mäselelerdı kezeŋ-kezeŋımen şeşu josparlanǧan. Qazırgı kezde qaladaǧy 186 mektepte 226 myŋnan astam oquşy bar. Onyŋ ışınde 14 mektep üş auysymdy bolsa, 5 mektep – yŋǧailastyrylǧan ǧimarattarda ornalasqan, taǧy bır mektep – apatty dep tanylǧan. Aldaǧy bes jylda qala şaǧyn audandary men tūrǧyn alaptarynda 72 mektep salynady. Osy baǧytta biyldyŋ özınde 13 mekteptıŋ qūrylysy aiaqtalyp, paidalanuǧa berıledı.
Salalyq jospar aiasynda joǧary jäne bırınşı sanatty mūǧalımder ülesın aldaǧy bes jylda bügıngı 55 paiyzdyq körsetkışten 85 paiyzǧa deiıngı mejege, iaǧni 30 paiyzǧa arttyru josparlanǧan. Käsıptık bılım beru salasynda öndırıske qajettı mamandar daiarlaudy ozyq ädıstemege negızdelgen dualdy oqytu modelımen ūştastyru közdelgen. Bügıngı taŋda qalamyzda käsıptık bılım beru oqu oryndarynyŋ 10 paiyzynda ǧana dualdy oqytu modelı engızılgen. Būl körsetkış 2025 jylǧa qarai 42 paiyzǧa jetetın bolady.Üş auysymdy mektepter mäselesın şeşude jaŋa ǧimarattar, qosymşa oqu korpustaryn salu jūmystary bastaldy. 2023 jylǧa qarai būl mäsele tübegeilı şeşımın tappaq.
Biylǧy jyly mektepterdı jabdyqtauǧa 6 mlrd. teŋge kölemındegı qarajat baǧyttalǧan. Qaralǧan qarjyǧa bılım beru ūiymdaryndaǧy 259 pän kabinetterı jabdyqtaluda. Byltyrǧy jyly Şymkent qalasyndaǧy mektepterde ärbır 29 oquşyǧa bır kompiuterden keletın bolsa, biyl būl körsetkış ärbır tört oquşyǧa bır kompiuterden keletın deŋgeige jetkızıldı.Jyl soŋyna deiın qaladaǧy barlyq bılım beru ūiymdarynda polisiianyŋ baqylau jüiesıne qosylǧan beinebaqylau kameralary men turniketter ornatylady.
AVT. MAQPAL
