El Täuelsızdıgınıŋ 30 jyldyǧyna orai Şymkentte 2 myŋnan astam otbasy päterlı bolady. Būl turaly bügın maŋyzdy beleske arnalǧan ıs-şaralar qorytylǧan jiynda mälım boldy. Egemendıktıŋ mereitoiyna üşınşı megapoliste bırqatar nysan paidalanuǧa berılgelı otyr. Onyŋ ışınde 300 adamdy jūmyspen qamtuǧa qauqarly türlı öndırıs oryndary men mektepter bar.
Şymkentte aldaǧy jartyjyldyqta el Täuelsızdıgınıŋ 30 jyldyǧyna orai bırqatar äleumettık maŋyzy bar nysandar qoldanysqa berılmek. Jaŋa oqu jylynda qalada su jaŋa 4 mektep aşylady. Qaraşa aiynda 7 jaŋa öndırıs orny ıske qosylyp, 300 adamdy jūmyspen qamtylǧaly otyr. Sondai-aq jyl soŋyna qarai 2 myŋnan astam baspana päter kezegınde tūrǧan türlı sanattaǧy azamattarǧa berıledı. Būdan bölek «Bozaryq» qosalqy stansasynyŋ aşyluy da maŋyzdy mereitoiǧa orailastyrylyp otyr. Şaharda biylǧy bırınşı jartyjyldyqta Täuelsızdıgımızdı ūlyqtaǧan ūzyn sany 162 ıs-şara ötkızılıptı.
Beksūltan Ädılhanov Şymkent qalasy ışkı saiasat jäne jastar ısterı jönındegı basqarmasy basşysynyŋ orynbasary:«Onyŋ ışınde negızgı auqymdy jobalarǧa toqtalsaq, «Şymqala» etnoauyly men «Qamal» tarihi-mädeni keşenı aşylyp, el igılıgıne berıldı. Būqaralyq sportty damytu maqsatynda qala äkımınıŋ bastamasymen Qazaqstanda alǧaş ret II kezeŋnen tūratyn «Şymkent jastar ligasy» jobasy ūiymdastyryldy.»
El tarihyndaǧy maŋyzdy beleste şymkenttıkter türlı qaiyrymdylyq şaralaryn ūiymdastyryp, äleumettık osal topqa qarasty. Memleket basşysynyŋ bastamasymen «Qaiyrymdy ıster marafony» jalpyūlttyq jobasy jariialana salyp, jergılıktı käsıpkerler belsendılık tanytty. Äkımdık pen men qala meşıtterınıŋ ūiymdastyruymen «Ramazan – qaiyrymdylyq aiy» aksiiasy aiasynda künıne 1000-ǧa juyq tūrmysy tömen otbasyǧa azyq-tülık sebetterı taratyldy. Odan bölek, Ridder qalasy Leshoz kentınıŋ zardap şekken tūrǧyndaryna gumanitarlyq jük tielgen 3 kölık jıberıldı. Oǧan azamattyq ūiymdar, volonterlyq qozǧalystar, etnomädeni bırlestıkter, käsıpkerler men mäslihat deputattary jäne jastar ūiymdary jūmyldyryldy.
Zäure Oralbaeva Şymkent qalasy boiynşa «Ruhani jaŋǧyru» jobalyq keŋsesınıŋ meŋgeruşısı : Jalpy, Şymkentte tek joba üşın emes, öŋırımızdıŋ jeke azamattary nauqas balalarǧa, balalar üilerı men jalǧyzılıktı analarǧa, tūrmysy tömen otbasylaryna qoldau körsetıp, qolūşyn berıp jürgen, onysyn jariia etuden aulaq azamat köp. Olarǧa da alǧysymyz şeksız»
Nur Otandyqtardyŋ tarapynan qaiyrymdylyq üşın biyl 90 mln teŋgenıŋ qarjysy jinalyp, halyq igılıgıne jūmsalypty. Jalpy reitingte kömek qolyn sozudan şymqala tūrǧyndary Nūrsūltan qalasy halqynan keiın ekınşı orynda eken. Mūndai igı şaralar Täuelsızdık toiy jalǧasatyn kelesı jartyjyldyqta da qolǧa alynbaq.
M.Rysbaeva
