Şymkenttıŋ bes jyldyq damu josparynda qolaily qala qalyptastyru mındetı belgılenıp, onyŋ aiasynda atqarylatyn jūmystar aiqyndalǧan. Azamattarǧa qolaily orta qūru şeŋberınde tūrǧyndardyŋ talap-tılegı mındettı türde eskerıledı. Būl baǧytta Memleket basşysy Qasym-Jomart Toqaevtyŋ qoǧamdaǧy aşyqtyq pen jariialylyqty jetıldıre tüsetın taǧy bır reformasy – «Halyq qatysatyn biudjet» jobasynyŋ maŋyzy orasan.
Biylǧy alǧaşqy jartyjyldyqta halyq qatysatyn aşyq biudjet jobasy aiasynda şaǧyn audandar men tūrǧyn alaptarda 66 köpqabatty tūrǧyn üilerdıŋ aulalary abattandyryldy. Belgılengen jūmystardy ıske asyru barysynda tūrǧyndardyŋ talap-tılegı eskerılıp, balalar oiyn alaŋşalary men sport alaŋşalarynyŋ jobalary, jasyl jelektı kütıp-ūstau mäselelerı kelısıldı. Tūrǧyndardyŋ talap-tılegı köşelerge beinebaqylau kameralaryn ornatu ısınde de eskerıledı. Qazırgı kezde qala köşelerıne 2479 kamera ornatylǧan bolsa, biyl olardyŋ sanyn qosymşa 3740 bırlıkke ūlǧaitu josparlanǧan. Tūrǧyndardyŋ ötınışterı boiynşa 1500 beinabaqylau kameralary köpqabatty tūrǧyn üi aulalary men qoǧamdyq oryndarǧa qoiylatyn bolady. Kölık qozǧalysy asa baqylaudy qajet etetın jol uchaskelerıne 2240 dana beinebaqylau qūrylǧylary ornatylady. Aita keteiık, halyq qatysatyn biudjet azamattardyŋ jergılıktı biudjet qarajatynyŋ bır bölıgın bölu men jūmsauǧa qatysuyna mümkındık beretın joba. Iаǧni, bır azamat ūsynyp, tūrǧyndardyŋ köpşılıgı qoldau bıldırgen jobalar jergılıktı biudjetten qarjylandyrylady. Osylaişa azamattar özderı tūratyn aumaqtardy damytu men abattandyruǧa qatysady. Jobany jüzege asyru üşın Şymkent qalasynda arnaiy ıs-şara jospary bekıtılıp, ol tört audannyŋ äkımdıkterı arqyly oryndaluda. Osy maqsatta arnaiy www.open-shymkent.kz internet resursy äzırlendı.
Basqa materialdar
Adyrna.kz ūlttyq portalynyŋ maŋyzdy aqparattaryna jazylu
Soŋǧy jaŋalyqtar turaly habardar bolyŋyz