Şymkent qalasynyŋ äkımı Mūrat Äitenovtıŋ jetekşılıgımen investisiialyq ştabtyŋ kezektı otyrysy öttı. Onlain formatta ötken jiynǧa salalyq basqarma basşylary men audan äkımderı, ıskerlık orta ökılderı qatysty. Jiyn barysynda agroindustriialyq aimaqty qūru jönındegı jūmystyŋ barysy, investisiialyq jobalardyŋ tanystyrylymy men olardy ıske asyru barysyndaǧy ūiymdastyruşylyq mäseleler, ştab otyrystarynda berılgen hattamalyq tapsyrmalardyŋ oryndaluy talqylandy.Qala äkımı Mūrat Äitenov agroindustriialyq aimaq ornalasatyn aumaqtyŋ infraqūrylymdyq äleuetın tolyq zerdeleudı tapsyrdy. Berıletın elektr energiiasynyŋ quatyn, su közderınıŋ qoryn esepteu boiynşa naqty jūmystar atqaryluy kerektıgıne köŋıl böldı.
Ştab otyrysynda qalalyq auylşaruaşylyǧy jäne veterinariia basqarmasy ūsynǧan investisiialyq jobalardyŋ özektı mäselelerı qaraldy. Onyŋ ışınde jylyna 50 mln dana jūmyrtqa şyǧarudy közdep otyrǧan «Aimar qūs» JŞS-nyŋ qūs fabrikasyn aşuǧa qajettı infraqūrylym tartu mäselesı söz boldy. Jobamen mūqiiat tanysqan qala äkımı Mūrat Äitenov salalyq basqarma basşylaryna tiıstı ūsynystar engızu jönınde tapsyrma berdı.Qūs fabrikasyn saluǧa «Şaǧyr Agro» kompaniiasy da müddelı ekendıgın bıldırude. Mūnda jylyna 20 myŋ tonna broilerlık qūs etı öndırılmek. Jobany ıske asyru üşın aumaqtyŋ egjei-tegjeilı josparyna özgerıster engızıluı qajet. Qala äkımı M.Äitenov būl mäsele boiynşa da salalyq basqarmaǧa mäselenı tolyq zerdelep, tiıstı şeşım qabyldaudy jüktedı.Basqarma ūsynyp otyrǧan taǧy bır joba – 600 bas ırı qaraǧa arnalǧan et-süt fermasy. Būl joba boiynşa qalanyŋ Bas josparyna säikes naqty şeşım qabyldanatyn bolady.
Jiyn barysynda bırqatar investisiialyq qūrylys jobalarynyŋ da tanystyrylymy öttı. Onyŋ ışınde «Şymkent aqparattyq tehnologiialar universitetı» ǧylymi jäne bılım beru innovasiialyq keşenın salu jobasy ūsynyldy. Keşen aqparattyq tehnologiialar boiynşa ǧylymi baza retınde jasaqtalyp, laborotoriialyq zerthanalar aşylmaq. Mūnda 6 myŋ student bılım alyp, jataqhanamen qamtylmaq. Keşende 600 adam eŋbek etetın bolsa, onyŋ 400-den astamy – otandyq jäne şeteldık ǧalymdar bolmaq.Keşen jobasymen jıtı tanysqan qala äkımı M.Äitenov būl jobany qūrylysy qarqyn alǧan Tūran şaǧyn audanynda ornalastyru mümkındıkterın qarastyrudy tapsyrdy. Medisina qyzmetkerlerıne arnalǧan 12 qabatty tūrǧyn üiler qūrylysyn jürgızu mäselesı de ştab otyrysynda qaralyp, qoldau tapty. Tūrǧyn üi kelesı jyly alǧaşqy tūrǧyndaryn qabyldaityn bolady.
Şymkent siti şaǧynaudanynda salynatyn 2 zamanaui jekemenşık mektepterdıŋ jobalary da qoldau tauyp, qūrylys jūmystary jaqyn künderı bastalatyn boldy. «Şymkent sitide» boi köteretın ekı oqu ordasynyŋ jalpy syiymdylyǧy 2200 oquşyǧa arnalǧan.Ştab barysynda biznes sanatyndaǧy 8 köpqabatty tūrǧyn üilerdıŋ jobalary tanystyrylyp, maqūldandy. Qūrylys jūmystaryn otandyq jäne şeteldık qūrylys kompaniialary jürgızetın bolady. Jiynda sondai-aq Tasken şaǧynaudanynda salynatyn 300 oquşyǧa arnalǧan jekemenşık mektep pen 500 orynǧa arnalǧan jataqhana jobalarynyŋ tanystyrylymy da öttı. Ūsynylǧan nysandar qoldau tauyp, olardyŋ qūrylystary da jaqyn künderı bastalady. Qala basşysy M.Äitenov Şymkenttıŋ örkendeuıne investorlar qyzyǧuşylyq tanytyp otyrǧanyn mälımdedı. Būl äsırese qūrylys salasynyŋ qarqyn aluyna negız bolyp otyr dedı. Sala jetekşılerıne qūrylys kompaniialaryna jer bölude auqymdy jer uchaskelerın bırden bölıp beruge jol bermei, olardyŋ qūrylys jürgızu qarqynyn esepke alyp böludı tapsyrdy. Bölıngen jer uchaskelerı belgılı merzım ışınde igerılmei bos jatsa, ony qaitaryp alu jönınde mehanizmder qalyptastyrudy jüktedı.
Kün tärtıbındegı üşınşı mäsele boiynşa ştabtyŋ aldyŋǧa otyrystarynda berılgen hattamalyq tapsyrmalardyŋ ışınde 5 mäsele merzımınde oryndalmai qalǧandyǧy aityldy. Qala äkımı memlekettık qūrylymdar jetekşılerıne berılgen tapsyrmalardyŋ barlyǧy merzımınde ärı sapaly oryndaluy kerektıgıne nazar audaryp, ekonomikaǧa investisiia tartu mäselesı jaibaraqattylyqty kötermeitının mälımdedı. Aldaǧy aptada investisiia boiynşa jūmys jiyny ötetının habarlap, saladaǧy özektı mäselelerdı taǧy bır märte pysyqtau kerektıgın eskerttı. Ştab otyrysyn qorytyndylaǧan qala basşysy Mūrat .Äitenov Şymkenttıŋ zamanaui megapolis retınde qalyptasuy investisiia arqyly jüzege asatynyn jetkızdı. İnvestorlar tartu arqyly qala ekonomikasy serpın alady. İnvestisiia tartuǧa jauapty qūrylymdar qūrylys naryǧymen şektelıp qalmai, öndırıstık jobalardy ızdestırude belsendılık tanytuy kerek ekendıgın eske saldy. Öndırıs oryndaryn aşu arqyly tūraqty jūmys oryndary aşylyp, ekonomika ülesınde jergılıktı tauarlardyŋ ülesı artatynyn, qala tūrǧyndarynyŋ tūrmystyq ahualy jaqsaratynyn mälımdedı. Barlyq sala jetekşılerın osy baǧytta nätijelı jūmystar jürgızuge şaqyrdy.
AVT. ÄIGERIM
