Şymkent qalasynyŋ äkımı Mūrat Äitenov qalalyq qūrylys basqarmasynyŋ jarty jyldyq esebın tyŋdady. Basqarma tarapynan biylǧy jyly 113 qūrylys jobasy ıske asyryluda. Mekeme qyzmetınıŋ tiımdılıgın baǧalau 8 maqsatty körsetkışter boiynşa jürgızıledı. Onyŋ ışınde eŋ negızgı indikator – jyl soŋyna deiın paidalanuǧa berıletın tūrǧyn üilerdıŋ jalpy aumaǧyn 1 mln. şarşy metrge jetkızu. Jaŋadan salynyp jatqan baspanalardyŋ ışınde 570 myŋ şarşy metrı – köp qabatty tūrǧyn üiler bolsa, 430 myŋ m2 – jeke tūrǧyn üilerdıŋ ülesınde. Salystyrmaly türde aitar bolsaq, byltyr Şymkent qalasy aumaǧynda jeke jäne köpqabatty tūrǧyn üiler sanatynan 649,1 myŋ şarşy metr tūrǧyn üi paidalanuǧa berılgen bolatyn. Bırınşı jartyjyldyqta 276,3 myŋ şarşy metr tūrǧyn üi paidalanuǧa berılıp, byltyrǧy jyldyŋ tiıstı kezeŋımen salystyrǧanda 101,9 paiyzǧa artqan.
Tūrǧyn üi qūrylysynyŋ barysymen mūqiiat tanysqan qala äkımı Mūrat Äitenov atqarylyp jatqan jūmystardy qadaǧalaudy ūtymdy ūiymdastyru kerektıgıne nazar audardy. Būl baǧytta jaŋa tehnologiialardy qoldanyp, salynyp jatqan nysandarǧa onlain rejimde transliasiiaǧa jasauǧa mümkındıgı bar kameralar qoiuǧa bolatynyn atap öttı. Tapsyrys beruşı – qūrylys basqarmasy osylaişa atqarylyp jatqan jūmystardyŋ sapasyn kündelıktı baqylap, öndırıstık kestenıŋ saqtaluyna kepıl bolmaq. Qūrylys nysandarymen tıkelei efirde bailanysa otyryp, jūmys jiyndaryn da ötkızuge bolatynyn atap öttı.Basqarmanyŋ alty aida atqarǧan jūmystary jönınde esep bergen basqarma basşysynyŋ mındetın atqaruşy B.Küzdeubaevtyŋ aituynşa, qūrylys jūmystary kölemınıŋ jyldyq jospary 135,6 mlrd teŋge bolyp belgılengen. Bırınşı jartyjyldyqta atqarylǧan qūrylys kölemı 50,1 mlrd teŋgege jetıp, byltyrǧy jyldyŋ säikes kezeŋımen salystyrǧanda naqty kölem indeksı 115,6 paiyz bolyp otyr.
Biyl «Nūrly jer» baǧdarlamasy boiynşa 4832 päterlı 79 köpqabatty tūrǧyn üilerdıŋ qūrylystary bastalǧan. Onyŋ ışınde 1224 päterlı 18 tūrǧyn üi – arendalyq baspanalar bolsa, 3608 päterlı 61 üi – tūrǧyn üi nesiesın alǧandarǧa tabystalmaq.Äkımşılık ıskerlık ortalyǧynda köpqabatty 12 üi biyl paidalanuǧa berılse, 9-qabatty segız üidıŋ qūrylysy kelesı jyly aiaqtalady. Jaŋadan salynǧan nysandarǧa injenerlık infraqūrylym tartu boiynşa 15 jobany ıske asyru közdelıp, onyŋ 6 nysany paidalanuǧa berılgen. Bılım salasy boiynşa 11 nysannyŋ qūrylysyna qarjy bölıngen. Onyŋ ışınde 4 mekteptıŋ ǧimaraty jaŋa oqy jylyna deiın ıske qosylady. Mädeniet jäne sport salalarynda 5 nysannyŋ qūrylystary josparlanyp, onyŋ ekı nysany paidalanuǧa berıldı.Joba-smetalyq qūjattamalar äzırleu boiynşa ekı medisinalyq ūiym men Sairam tūrǧyn alabynda ört söndıru deposynyŋ qūrylystaryn jürgızu josparlanyp, ıske asyruda.
Basqarmanyŋ alty aida aitqarǧan jūmystaryn taldaǧan Mūrat Düisenbekūly qūrylys qalanyŋ damuyna yqpal etetın maŋyzdy sala ekendıgıne toqtaldy. Qūrylys jürgızu qala ekonomikasynyŋ damuyna tūtastai äser etıp, biznestıŋ qūrylys naryǧyna beiımdeluı jüzege asatynyn, onyŋ ışınde qūrylys materialdarynyŋ öndırısı qarqyn alatynyn atap öttı. Qalanyŋ tırşılıgı jyljymaityn mülık naryǧy arqyly örbitının eske salǧan qala basşysy, qūrylys jūmystaryn josparlauda naqtylyq kerektıgıne köŋıl böldı. Būl baǧytta basqarmanyŋ josparlau qyzmetı qūrylymynyŋ jūmysyn jüieleudı tapsyrdy..Esep beru jiynyn qorytyndylaǧan qala äkımı Mūrat Äitenov keleşekte Şymkent taza qala boluy kerektıgın nazarǧa alyp, qalada şaŋy şyǧyp jatqan jerler bolmauy kerektıgın taǧy da eskerttı. Ol üşın qūrylys alaŋdaryna kırıp-şyǧatyn tehnikalardyŋ laidan tügeldei tazartylyp otyruyn mındettedı.
Avt. ÄIGERIM
