Biyl Şymkentte ŪBT boiynşa ortaşa ball – 76.5

Biyl Şymkentte ŪBT boiynşa orta ball – 76,5-tı qūrap otyr. Būl turaly bügın basqarma basşysy Janat Täjievanyŋ qala äkımıne bergen 6 ailyq esebınde mälım boldy. Eldegı pandemiia jaǧdaiyna qaramastan būl körsetkış byltyrǧymen salystyrǧan bırşama joǧary. Ötken jyly oquşylardyŋ testıleudegı ortaşa baly 75-tı qūraǧan bolatyn. Aita keteiık, biyl Şymkent mektepterınen 9 342 tülek qanat qaqsa, onyŋ 500-ge juyǧy - «Altyn belgı», 422-sı «Üzdık attestat» iegerlerı atandy. Al memlekettık grant ūtyp alǧan şäkırtter tamyz aiynda anyqtalady. Qala basşysy bılım nysandarynyŋ jaŋa oqu jylyna daiyndyǧyn pysyqtady. Biyl şahardaǧy 175 bılım mekemesınıŋ ǧimaratyna aǧymdaǧy jöndeu jūmystaryn jürgızu üşın 330 mln. teŋgeden astam qarjy qaralypty. Qūrylys nysandarynyŋ 85%-da merdıger anyqtalǧan. Bügınde jöndeu jūmystary jürgızılıp jatyr. Basqarma basşysy qūrylys jūmystary  tamyz aiynyŋ 10-na aiaqtalady deidı. Bılım beru ūiymdaryndaǧy balalardyŋ qauıpsızdıgı de basty nazarda. Biylǧy jyly memlekettık mektepterge turniket ornatu üşın biudjetten 359,4 mln. teŋge qarjy bölınıp, kelısım-şart tüzıldı. Jyl soŋyna deiın mektepter tügedei adamnyŋ bet-älpetın tanityn turniketpen qamtylatyn bolady. Alaida, jergılıktı mektepterde vedomstvalyq küzet qarastyrylmaǧan. Salaǧa jauaptylar būl mäselenı ünemdelgen qarjydan şeşemız dep otyr.