Mūnda qala tūrǧyndarynyŋ otbasylyq qūndy jädıgerlerı qoiylǧan
QR Täuelsızdıgınıŋ 30 jyldyǧy aiasynda Qostanai oblystyq Tarihi-ölketanu muzeiı «Otbasy künıne» orai ūrpaqtan-ūrpaqqa jalǧasyn tapqan estelık zattardan «Baǧa jetpes jädıgerler» dep atalǧan körme ūiymdastyrdy. Muzeige otbasylyq jädıgerlerın uaqytşa syiǦa tartqan qostanailyqtardyŋ sol zattarǧa qatysty oqiǧalary men estelıkterı ärbır otbasynyŋ tarihy eldıŋ tarihi jadynyŋ maŋyzdy jäne ajyramas bölıgı ekenın aiqynyraq tüsınuge kömektesedı. Körmege muzei qyzmetkerlerı men qala tūrǧyndary äjelerınıŋ közı retınde saqtap jürgen kümıs äşekeilerın, atalaryna mūra bolyp qalǧan dürbı, qalta saǧat, fotoapparattaryn, bozbala men boijetkennıŋ osydan 70 jyl būrynǧy bır-bırıne jazǧan jan tebırenTerlık hattaryn, 1955 jyldary küieubala men qalyŋdyqqa syiǧa tartylǧan staqandar (bokaldar), erte kezdegı balalardyŋ oiynşyqtary syndy ärbır otbasy üşın qūndy dünieler körmege qoiylǧan.-Kez-kelgen otbasynyŋ özınıŋ erekşe qūndy dünielerı bolady. Ömırden ötken ata-äjesınıŋ ūrpaqtaryna amanat etken qūndy zattary da baǧa jetpes dünie. Būl bırınşı kezekte otbasynyŋ maŋyzdylyǧyn körsetedı. Bır şaŋyraq astynda ǧūmyr keşıp jatqan bır-bırıne bauyr bolyp keletın jandar ärdaiym özınıŋ qūndy zatyn bır-bırıne syiǧa tartyp otyrady. Osy zattar arqyly ärqaisysy öz ömır jolyn taŋdap, aralary alşaqtaǧan kezderı olardyŋ saǧynyşyn basatyn qūndy dünielerıne ainalady.Mıne, bız «Otbasy künı» merekesıne orai, osyndai qūndy dünielerden körme ūiymdastyrudy qolǧa alǧan bolatynbyz. Mūnda qoiylǧan jädıgerlerdıŋ bärı erteden bır janūianyŋ qymbat ta qūndy düniesıne ainalǧan zattar. Olardyŋ ärqaisysynyŋ özındık tarihy bar. Basty maqsat otbasy qūndylyǧyn joǧaltpai, ūrpaqtan ūrpaqqa mūra bolyp qalatyn dünielerdıŋ qanşalyqty qymbat ekenın körsetu boldy, – deidı muzei qyzmetkerı Aibike Qazybaeva. Muzeidegı būl körme 1 apta boiy jūmys ısteidı. Osy uaqyt ışınde qala tūrǧyndaryna muzeige kelıp otbasylyq qūndylyqtarmen tanysuǧa zor mümkındık bar.
Aiagöz KÄKIMJANOVA
