Qazaqstandyq boksşy Janqoş Tūrarov Vesti.kz tılşısıne bergen sūhbatynda sot oryndauşymen bolǧan dau-damai turaly män-jaidy aityp berdı, dep habarlaidy «Adyrna» tılşısı.
«Keibır BAQ pen äleumettık jelıler jaǧdaidy tolyq bılmei, jalǧan aqparat taratatyny ökınıştı. Köptegen saittan türlı taqyryptar oqydym, onda menı bır gangster retınde körsetıptı. Jasandy şu kötergen»,– dedı ol.Boksşy oqiǧanyŋ män-jaiyn tüsındırdı.
«Men kelgenımde jaǧdai tüsınıksız boldy. Būl äpkemnıŋ üiı. Olar üidı jaqynda satyp alǧan, būrynǧy iesı zaŋsyz qūrylysy bar tūrǧyn üidı satyp jıbergen. Satu-aludyŋ prosesın onşa jaqsy bıle bermeimın, mūny qūzyrly organdar anyqtasyn. Jaqynyŋ mūndai jaǧdaiǧa duşar bolsa, kım kömekke kelmeidı. Ol jerge kelgenımde aiǧai-şu men jylaǧan dauystar boldy. Bärın toqtatudy talap ettım, ary qaraiǧy janjalǧa aralaspadym. Kuägerlerdıŋ sözınen sot oryndauşysy da öz mındetın käsıbi atqarmaǧanyn jäne dörekı söilegenın bıldım.Men qarapaiym jıgıtpın, jıgıttık tüsınıkpen östık bärımızde. Ony ūryp-soǧamyn dep qorqytpadym. Erkekterdıŋ arasyndaǧy äŋgıme boldy, men oǧan öz oiymdy aittym. Ol menı diktafonǧa jazyp jatqanyn eskertken de joq. Būl qanşalyqty zaŋdy ekenın bılmeimın. Ol soqqy alyp qalǧan soŋ, kektenıp qalǧan siiaqty. Ol da bıreudıŋ aǧasy, odan da bıreu ülgı alady-au. Endı haip quyp jür»,– dep mälımdedı Janqoş.
«Adyrna» ūlttyq portaly
