Shymkentte dinı konfessııa ókilderi arasyndaǵy sporttyq saıystar jalǵasýda. Din ókilderiniń spartakıadasynyń aıasyndaǵy ústel tennısi jarysy «Muz saraıynda» ótti. Sport básekesine 20-dan astam qatysýshy jınaldy.
– Din ókilderiniń arasyndaǵy sport saıystary jylda uıymdastyrylyp turady. Bıylǵy erekshelik – jarystar bir kúnde emes, bir aı boıy spartıakıada túrinde ótýde. Bul joly ústel tennısinen jarys ótkizilip, ózara myqtylar anyqtalady. Al jeńimpazdar spartakıadanyń saltanatty jabylý rásiminde marapattalady, – dedi Shymkent qalasynyń din isteri basqarmasynyń qyzmetkeri Ǵalymjan Sarmanov.
Jospar boıynsha aldaǵy ýaqytta Qajymuqan atyndaǵy ortalyq stadıonda shahmat jarysy ótedi.
Aıta keteıik, din ókilderi arasyndaǵy spartakıada Qazaqstan Respýblıkasy táýelsizdiginiń 30 jyldyǵy men 18 qazan – Rýhanı kelisim kúnine oraılastyryp ótkizilýde. Mundaǵy maqsat – turǵyndar arasyndaǵy tatýlyq pen kelisimdi nyǵaıtý, buqaralyq sportty nasıhattaý, salaýatty ómir saltyn rásimdeý. Bir aılyq báseke 15 qazan kúni máresine jetip, túrli saıystardyń jeńimpazdaryna baǵaly syılyqtar tabystalady.
