El Táýelsizdiginiń 30 jyldyǵy qarsańynda «Asar» shaǵynaýdanynda fızıka-matematıka baǵytynda tereńdetip bilim beretin «Intellect» lıeıiniń saltanatty ashylý rásimi ótti. Oǵan Shymkent qalasy ákiminiń birinshi orynbasary Shyńǵys Muqan, qalalyq bilim basqarmasynyń basshysy Janat Tájıeva jáne Birikken Arab Ámirlikteriniń «Ummet» qoǵamdyq qorynyń ókili Salıh Alı Abdrahman Býhalıd qatysty.
—Táýelsizdiktiń alǵashqy jyldarynda Shymkent qalasynda 70 mektep bolsa, búginde bilim uıalarynyń sany 200-ge jýyqtady. Onda 250 myńǵa tarta oqýshy bilim alýda. Sońǵy jyldary bilim salasyna ınvestorlar tartylyp, jan basyna qarjylandyrý júıesi boıynsha jumys isteıtin jekemenshik mektepter kóptep salynýda. Búgin sondaı bilim uıalarynyń taǵy bireýi — «Intellect» fızıka-matematıka lıeıiniń ashylýyna kelip otyrmyz. Osynyń barlyǵy jas urpaqtyń bilimdi bolýyna memlekettiń aıryqsha nazar aýdaryp otyrǵanyn kórsetedi, — dedi Shyńǵys Jumabekuly.
Jıyn barysynda «Ummet» qorynyń ókilderi oqýshylarǵa mektep formalaryn syıǵa tartty.
Aıta keteıik, zamanaýı úlgide boı kótergen mektepte oqýshylarǵa fızıka-matematıka baǵytynda tereńdetilgen bilim beriledi. Sondaı- aq, bilim alýshylarǵa jalpy pánder boıynsha qosymsha sabaqtar júrgizilip, shahmat, dombyra, tigin úıirmeleri de jumys isteıdi. Jalpy, lıeı 600 oqýshyǵa arnalǵan. Ázirge munda 275 oqýshy bilim alýda.
