Nauryz şaǧyn audanyndaǧy 3850 tūrǧyn kärız jüiesıne qosylady

Şymkent qalasy Äl-Farabi audany aumaǧynda ornalasqan Nauryz şaǧyn audany tūrǧyndaryn kärız jüiesımen qamtu qūrylysy qarqyndy jürude. Qūrylys jūmysy osy jyldyŋ mausym aiynda merdıger mekeme «Gazovoe hoziaistvo Şymkentgaz» JŞS tarapynan bastalǧan. Joba boiynşa, ūzyndyǧy 15 şaqyrym ışkı oramdyq jüieler tartylatyn bolady. Qazırgı uaqytta 4 şaqyrym kärız jüiesı ornatyldy. Qūrylys jūmysy QR Täuelsızdıgınıŋ 30 jyldyǧy aiasynda qaraşa aiynda tolyq aiaqtalady. Nätijesınde, Nauryz şaǧyn audanyndaǧy 3850 tūrǧyn qoldanystaǧy diametrı 1200 mm. kollektorǧa qosylatyn bolady. Qazırgı uaqytta Şymkent qalasy tūrǧyndaryn kärız jüiesımen qamtu maqsatynda barlyǧy 13 nysannyŋ qūrylysy jürgızılıp jatyr.