Qytaıdyń soltústigindegi Shansı provınııasynda uzaq ýaqytqa sozylǵan jańbyrdan bolǵan sý tasqyny saldarynan 1,76 mıllıonnan astam adamdy shuǵyl túrde kóshirdi dep habarlaıdy "Adyrna" ulttyq portaly "China Daily" saıtyna silteme jasap.
Shansı men Shensı provınııalarynda bolǵan qatty sý tasqynynan Qytaıdyń Tabıǵı apattardy azaıtý jónindegi ulttyq komıssııasy men Tótenshe jaǵdaılar mınıstrligi birlesip, 4-shi deńgeıdegi tótenshe jaǵdaılardy joıý josparyn jasady. Eki memlekettik organ da apatty joıýǵa kómektesý úshin zardap shekken aýdandarǵa jumys tobyn jiberdi.
Provınııanyń tótenshe jaǵdaılar departamenti Shansı provınııasynyń 76 okrýginde 1,76 mıllıonnan astam adam sý tasqynynan zardap shekkenin, 120 100 adam qaýipsiz jerge kóshirilgenin habarlady.
Departament 17 myńnan astam úıdiń qulaǵanyn, 190 myń gektar aýylsharýashylyq jerleriniń sý tasqynynan zardap shekkenin atap ótti.
Jergilikti sheneýnikterdiń habarlaýynsha, kómirge baı provınııada nóser jańbyrdan keıin 60 kómir shahtasy jumysyn toqtatqan.
Provınııa sý tasqynynan qatty zardap shekken adamdarǵa kómektesý úshin 20 mıllıon ıýan (3,1 mıllıon dollar) bóldi jáne tabıǵı apattarǵa tótenshe jaǵdaıdyń úshinshi deńgeıin iske qosty.
"Adyrna" ulttyq portaly
